Umbætur í náms- og starfsumhverfi leikskóla

Tillögurnar taka mið af tekjum forsjáraðila og miðast við heildartekjur á ári samkvæmt skattframtali. Starfsfólks- og systkinaafslættir eru áfram í gildi. 

Hvert er grunngjaldið fyrir 38 stunda vistun á viku?

Grunngjald er 16.000 kr. á mánuði fyrir 38 stunda vistun á viku. Að auki bætist við fæðisgjald.

Fyrir hvern hálftíma umfram 38 stundir bætast 4.000 kr. við námsgjaldið.

Fyrir fyrsta hálftímann undir 38 stundum lækkar gjaldið um 2.000 kr.

Eftir það lækkar gjald um 400 kr. fyrir hvern hálftíma.

Námsgjald fyrir 30 stundir er 8.000 kr.

tillögunum helst fæðisgjald óbreytt. Það er 14.774  fyrir morgunmat, hádegismat og síðdegishressingu. Ef  dvalartími er undir 35 klst. fellur síðdegishressing út og gjaldið verður 11.820 kr. Fæðisgjald tekur reglulegum breytingum. 

Veittur er 25% afsláttur af námsgjaldi. 

Fyrir einstæða foreldra

• Árstekjur undir 6,5 m.kr. → 80% afsláttur af námsgjaldi
• Árstekjur á bilinu 6,5–9,5 m.kr. → 40% afsláttur af námsgjaldi

Fyrir hjón eða sambúðarfólk

• Árstekjur undir 9,5 m.kr. → 60% afsláttur af námsgjaldi
• Árstekjur á bilinu 9,5–12 m.kr. → 30% afsláttur af námsgjaldi

Sérstakir afslættir fyrir þessa hópa falla niður. Í staðinn gilda tekjuviðmið sem tryggja afslátt fyrir þau sem hafa lægstu tekjurnar.

Starfsfólk leikskóla Reykjavíkur fær 40% afslátt af námsgjaldi. 

Nei, hæsti afsláttur gildir og afslættir leggjast ekki saman. 

Systkinafsláttur er 100% af námsgjaldi fyrir eldra barn og af 100% afsláttur af fæðisgjaldi fyrir fleiri en tvö börn. 

Hægt er að skrá börn í vistun í að lágmarki 30 stundir á viku. Sú viðvera nær yfir þann tíma dags sem faglegt starf leikskólans fer að mestu fram, eða um 5–6 stundir á dag. Hámarksdvalartími er 42,5 stundir á viku, sem jafngildir um 8,5 stundum á dag. Hægt er að velja mismunandi dvalartíma eftir dögum.

• Fyrir hvern hálftíma umfram 38 stundir bætast 4.000 kr. við námsgjaldið.
• Fyrir fyrsta hálftímann undir 38 stundum lækkar gjaldið um 2.000 kr.
• Eftir það lækkar hver hálftími um 400 kr.
• Námsgjald fyrir 30 stundir er 8.000 kr.

Styttri dvalartími gerir leikskólum kleift að skipuleggja faglegra og stöðugra starf. Hann auðveldar einnig að uppfylla samninga um breyttan vinnutíma starfsfólks og dregur úr líkum á þjónustuskerðingu vegna fáliðunar.

Beiðni um breytingu á dvalartíma er send í gegnum Völu.
Leikskólastjóri þarf að samþykkja breytinguna og tekur hún gildi að jafnaði eftir einn mánuð.

Já. Hægt er að velja mismunandi dvalartíma eftir dögum, allt eftir óskum og þörfum fjölskyldna. Hægt er að skoða mismunandi tíma í reiknivél til að sjá áhrif á gjöld.

Skráningardagar fylgja frídögum grunnskóla borgarinnar í kringum páska, vetrarfrí og jól. Á skráningardögum er vistun valkvæð. Ef óskað er eftir vistun fyrir barn á þessum dögum þarf að skrá það sérstaklega og greiða fyrir þá daga – 4000 kr. á dag.

Hver skráningardagur kostar 4000 kr. sem leggst ofan á mánaðargjaldið.

Lagt er til að skráning fyrir alla skráningardaga fari fram í september ár hvert. Skráning fer fram á minarsidur.reykjavik.is. 

Þegar barn er skráð á skráningardaga má það mæta í leikskólann þá daga. Skráningardagar eru ekki innifaldir í mánaðargjaldinu og kostar hver dagur 4000 krónur sem bætist við gjald mánaðarins.

Skráningin hjálpar leikskólanum að skipuleggja starfsemina. Með henni er hægt að áætla hversu margt starfsfólk þarf að vera við störf og hversu mörg verða í mat.

Ef barnið er ekki skráð á skráningardaga má það ekki mæta í leikskólann þá daga. Ef foreldrar nýta enga skráningardaga frá september til apríl, fellur námsgjaldið í maí niður.

Áhersla er lögð á hámarksmönnun miðað við barnafjölda frá kl. 8–16 mánudaga til fimmtudaga og frá 8–14 á föstudögum. Á öðrum tímum er gert ráð fyrir minni mannaflaþörf. 

Starfsfólk vinnur 36 stundir á viku en mörg börn dvelja í 40 stundir eða meira á viku. Þetta veldur misræmi og skapar álag á starfsfólk, börn og foreldra. Tillögurnar eru liður í því að samræma þetta betur.

49 af 67 borgarreknum leikskólum þurftu að grípa til slíkra aðgerða einhvern tíma á árinu. Í flestum tilfellum var það vegna öryggissjónarmiða vegna of fárra starfsmanna.

Leikskólar verða áfram opnir frá klukkan 7:30–16:30 alla virka daga.

Leikskólar eru lokaðir sex daga á ári vegna skipulagsdaga. Þar af eru þrír á sama tíma og starfsdagar starfsfólks eða frídagar nemenda í grunnskólum. Skipulagsdagar eru birtir í skóladagatali og auglýstir með góðum fyrirvara.

Leikskólar eru lokaðir á aðfangadag, gamlársdag og í að meðaltali 20 virka daga vegna sumarleyfa.

Leikskólinn verður opinn börnum sem skráð eru í vistun á skráningadögum. Mönnun verður í samræmi við fjölda barna sem óska eftir vistun þessa daga. Kostnaður er 4000 kr fyrir hvern skráningardag.

Börn í leikskólum Reykjavíkur taka að lágmarki tuttugu virka daga í sumarleyfi. Leikskólastjóri ákveður hvort leikskólinn verði opinn allt sumarið eða loki samfellt í 10–20 virka daga. Ef leikskólinn sem barnið er í er opinn allt sumarið er hægt að óska eftir að skipta upp sumarleyfinu í tvo hluta. Beiðni um að skipta upp sumarleyfi barns skal senda til viðkomandi leikskólastjóra.

Allar stundir í leikskólanum eru gæðastundir sem miða að aldri, þroska og aðstæðum barna. Hins vegar skal leikskólinn leitast við að skipuleggja helstu þætti skólanámskrár innan 5–6 stunda á dag, á fyrirsjáanlegan og markvissan hátt.

Leikskólastjóri ákveður nánar hvernig þessi tími er nýttur. Þá fer fram meginstarf leikskólans: faglegt starf byggt á aðalnámskrá, stefnu og hugmyndafræði leikskólans og menntastefnu Reykjavíkur.

Undir þetta fellur meðal annars hópastarf, vettvangsferðir, leikur undir leiðsögn kennara og uppeldisfræðilegar skráningar. Utan þessa tíma er skipulag frjálslegra og leggur áherslu á frjálsan, sjálfsprottinn leik, öryggi, vellíðan og einstaklingsbundna umönnun.