Langholtsskóli

Skólasetning Langholtsskóla

Skólasetning Langholtsskóla  haust 2024 verður fimmtudaginn 22. ágúst.

Nemendur mæta:

• 2. og 3. bekkur kl. 8:30
• 4. og 5. bekkur kl. 9:00
• 6. og 7. bekkur kl. 9:30
• 8., 9. og 10. bekkur kl. 10:00

Nemendur mæta á sal og fara svo í stofur með umsjónarkennara að loknu ávarpi skólastjóra.

Nemendur í 1. bekk verða boðaðir í viðtöl ásamt foreldrum 22. eða 23. ágúst.

Kennsla hefst í 2. – 10. bekk samkvæmt stundaskrá föstudaginn 23. ágúst.

Kennsla hefst í 1. bekk samkvæmt stundaskrá mánudaginn 26. ágúst.

Um Langholtsskóla

Langholtsskóli er heildstæður grunnskóli þar sem starfa um 740 nemendur í 1.-10. bekk og um 100 starfsmenn. Einkunnarorð skólans eru virðing, vellíðan og skapandi skólastarf.

Í Langholtsskóla er nemandinn í brennidepli, nám hans, líðan og þarfir.  Við reynum að koma til móts við þarfir allra með einkunnarorð skólans að leiðarljósi og að nemendur fái verkefni við hæfi og hvatningu. Í Langholtsskóla er lögð áhersla á fjölbreytta kennsluhætti og blöndun nemenda þvert á bekki m.a. í list- og verkgreinum og smiðjum sem eru á öllum skólastigum. Við leggjum mikla áherslu á gott samstarf við foreldra en það samstarf er lykillinn að farsælu skólastarfi og velgengni nemenda. 

Frístundaheimilið Glaðheimar er fyrir börn í 1. og 2. bekk, frístundaheimilið Dalheimar er fyrir börn í 3. og 4. bekk og félagsmiðstöðin Þróttheimar sjá um félagsstarf á mið- og unglingastigi.

Farsæld barna

Ný lög um samþætta þjónustu í þágu farsældar barna hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.

Tengiliður Langholtsskóla er: Sesselja Auður Eyjólfsdóttir og Brynja Dröfn Þórarinsdóttir

Nánari upplýsingar um lögin og þjónustuna eru á heimasíðunni farsaeldbarna.is​

 

Er barnið þitt að byrja í grunnskóla?

Á þessari síðu færðu gagnlegar upplýsingar um skólabyrjun. Eins og til dæmis hvað börnin þurfa að taka með sér í skólann og hvort börnin fái mat á skólatíma.

• Meira um skólabyrjun

Stjórnendur í Langholtsskóla

• Skólastjóri: Sigurlaug Hrund Svavarsdóttir
• Aðstoðarskólastjóri: Sesselja Eyjólfsdóttir
• Deildarstjórar stoðþjónustu: Erna Björk Hjaltadóttir 
• Deildarstjóri yngsta- og miðstigs: Guðbjörg Pálsdóttir
• Deildarstjóri unglingastigs: Guðlaug Bjarnadóttir
• Námsráðgjafar: Brynja D. Þórarinsdóttir og Greta Jessen