Klambrar

Leikskóli með ungbarnadeild

Háteigsvegur 33
105 Reykjavík

511 1125 klambrar@rvkskolar.is

Um leikskólann

Opnunartími Klambra er frá 07:30 til 16:30

Leikskólinn Klambrar hóf starfssemi í maí 2002 og eru starfsmenn um 20 talsins. Leikskólinn er staðsettur á jarðhæð stúdentagarðanna austan Háteigskirkju og sunnan við Sjómannaskólann. Einu sinni hét Miklatún Klambratún eftir bóndabæ sem eitt sinn stóð þar. Leikskólinn er ekki á sama stað en nógu nálægt til þess að auðvelt sé fyrir börn og starfsfólk að nýta túnið til útiveru. Á Klömbrum eru 75 börn samtímis á fimm deildum. Deildirnar heita Dalur, Teigur, Tún, Holt og Hlíð.

Leikskólastjóri er Magnea G. Hafberg Sverrisdóttir

Leikskólinn Klambrar

Viltu vita meira um Klambra? Í þessu örstutta myndbandi er stiklað á stóru um starfsemi leikskólans. Unnið af Erlu Stefánsdóttur og Antoníu Lárusdóttur fyrir skóla- og frístundasvið.

Hugmyndafræði

Gildi Klambra eru gleði, vinátta og sköpun

Hugmyndafræði Klambra sem unnið er eftir kallast Klambraandinn og skiptist hann í þrjá liði sem eru Öryggi og traust, Starfsgleði og jákvæðni og svo Gagnrýnin og skapandi hugsun. Við bjóðum börnunum upp á leikefni sem gefur þeim tækifæri til þess að njóta meðfæddra hæfileika sinna til þess að skapa leikinn sjálf. Því er lítið um hefðbundin leikföng sem fela í sér fyrirframgefnar lausnir.

Teikning af fjórum manneskjum sem halda á og horfa í gegnum ramma sem blöðrur eru bundnar við.

Leikskólastarf

Starfsáætlun

Starfsáætlun fyrir námsárið 2022-2023 er í vinnslu

Hvað er framundan á Klömbrum? Í starfsáætlun finnur þú meðal annars innra og ytra mat leikskólans fyrir síðasta ár, umbótaáætlun, leikskóladagatal og ótalmargt fleira.

Sjá starfsáætlun 2020-2021

Skólanámskrá

Ný skólanámskrá er í vinnslu

Viltu vita meira um hugmyndafræði og daglegt starf Klambra? Í skólanámskrá finnur þú ítarlegar upplýsingar um hugmyndafræðilegar áherslur og stefnu skólans í leik, námi og starfi.

Foreldrasamstarf

Við erum öll í þessu saman, enda er oft sagt að það þurfi heilt þorp til að ala upp barn. Í leikskólum borgarinnar er markvisst unnið að því að auka samráð við foreldra og styrkja aðkomu þeirra að leikskólastarfi. Foreldrafélag og foreldraráð eru starfrækt í öllum leikskólum Reykjavíkurborgar.

Sjá meira um foreldrastarf í leikskólum Sjá meira um aðlögun

Miðstöð Klambra

Leikskólinn Klambrar tilheyrir Vesturmiðstöð. Vesturmiðstöð sinnir fjölbreyttri þjónustu við íbúa í Vesturbæ, Miðborg og Hlíðum og er alhliða upplýsingamiðlun um þjónustu borgarinnar. Þar er veitt velferðarþjónusta, skólaþjónusta við leik- og grunnskóla, daggæslu- og frístundaráðgjöf og ýmis önnur þjónusta.