Brákarborg
Leikskóli
Kleppsvegur 150-152
104 Reykjavík
![Loftmynd af Brákarborg](/sites/default/files/styles/original_4k/public/2022-09/22090401_brakarborg_020_0.jpg?itok=p2ekRf8b)
Um leikskólann
Brákarborg er nýr leikskóli við Kleppsveg 150-152 sem opnaði síðsumars 2022. Í Brákarborg starfa um 30 manns og eru 100 börn þar samtímis á sex deildum. Deildirnar nefnast Dalur, Dyngja, Hlíð, Holt, Lundur og Laut.
Leikskólastjóri er: Sólrún Óskarsdóttir
Leikskólinn Brákarborg
Viltu vita meira um Brákarborg? Í þessu örstutta myndbandi er stiklað á stóru um starfsemi leikskólans. Unnið af Erlu Stefánsdóttur og Antoníu Lárusdóttur fyrir skóla- og frístundasvið.
Framkvæmdir
Framkvæmdir standa yfir í Brákarborg og starfar leikskólinn sem stendur í Ármúla 28-30 og mun einnig starfa að hluta í gömlu Brákarborg við Brákarsund. Sérstök upplýsingasíða er um verkefnið þar sem foreldrar og forsjárfólk getur getur fylgst með gangi mála.
Hugmyndafræði
Agi, virðing og umhyggja eru gildi Brákarborgar
Leikskólinn vinnur eftir hugmyndafræði John Deweys þar sem allir fá að læra af reynslu sinni. Einingakubbar Caroline Pratt ásamt jákvæðri agastefnu eru aðalnámstæki Brákarborgar þar sem 'Lausnahringurinn' skapar sjálfstæði í samskiptum með virðingu og hæfni til að setja mörk.
![](/sites/default/files/2022-08/leikur.png)
Leikskólastarf
Starfsáætlun
Starfsáætlun fyrir námsárið 2022-2023 er í vinnslu
Hvað er framundan á Brákarborg? Í starfsáætlun finnur þú meðal annars innra og ytra mat leikskólans fyrir síðasta ár, umbótaáætlun, leikskóladagatal og ótalmargt fleira.
Skólanámskrá
Viltu vita meira um hugmyndafræði og daglegt starf Brákarborgar? Í skólanámskrá Brákarborgar finnur þú ítarlegar upplýsingar um hugmyndafræðilegar áherslur og stefnu skólans í leik, námi og starfi.
Leikskóladagatal
Hvenær eru starfsdagar í Brákarborg? Í skóladagatali finnur þú upplýsingar um frídaga í leikskólanum og ýmislegt fleira.
Foreldrasamstarf
Við erum öll í þessu saman, enda er oft sagt að það þurfi heilt þorp til að ala upp barn. Í leikskólum borgarinnar er markvisst unnið að því að auka samráð við foreldra og styrkja aðkomu þeirra að leikskólastarfi. Foreldrafélag og foreldraráð eru starfrækt í öllum leikskólum Reykjavíkurborgar.
![brakarborg_portrait](/sites/default/files/styles/large_image/public/2022-11/brakarborg_portrait.jpg?h=b70c481a&itok=iwtYYSXT)
Miðstöð Brákarborgar
Leikskólinn Brákarborg tilheyrir Norðurmiðstöð. Norðurmiðstöð sinnir fjölbreyttri þjónustu við íbúa í Laugardal og Háaleiti og er alhliða upplýsingamiðlun um þjónustu borgarinnar. Þar er veitt velferðarþjónusta, skólaþjónusta við leik- og grunnskóla, daggæslu- og frístundaráðgjöf og ýmis önnur þjónusta.
Farsæld barna
Ný lög um samþætta þjónustu í þágu farsældar barna hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum.
Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana.
Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.
Tengiliður Brákarborgar er: Kolbrún Sif Hrannarsdóttir
Hvað viltu skoða næst?
- Að byrja í leikskóla Upphaf skólagöngu barns er stór stund í lífi þess
- Innritun í leikskóla Hægt er að sækja um leikskóla frá fæðingardegi barns
- Leikskólar Hér getur þú lesið um leikskólastarfið í borginni
- Allir leikskólar Viltu skoða lista yfir alla leikskóla í Reykjavík?
- Persónuvernd í skóla- og frístundastarfi Leikskólinn tryggir að eingöngu aðilar, sem til þess hafa heimild, hafi aðgang að upplýsingum leikskólans
- Stefnur Hér finnur þú samþykktar stefnur og stefnumarkandi áætlanir Reykjavíkurborgar
- Menntastefna Reykjavíkur - látum draumana rætast Kynntu þér Menntastefnu Reykjavíkur
- Farsældarþjónusta Samþætt þjónusta í þágu farsældar barna