Vinnuskóli Reykjavíkur | Reykjavíkurborg

Vinnuskóli Reykjavíkur

Meginhlutverk Vinnuskóla Reykjavíkur er að veita nemendum úr efstu bekkjum grunnskóla uppbyggilegt, öruggt og hvetjandi starfsumhverfi á sumrin ásamt því að bjóða þeim upp á fræðslu um umhverfismál.

Skráning í Vinnuskólann

Öllum nemendum sem koma úr 8., 9. og 10. bekkjum grunnskóla Reykjavíkur býðst að koma til starfa í Vinnuskólanum í sumar. Foreldrar skrá sína unglinga í gegnum þennan hlekk.

Starfstími og starfsstöðvar

Starfstímabil nemenda sumarið 2018 eru þrjú; frá 11. til 29. júní; 2. til 20. júlí og 23. júlí til 13. ágúst. Hver nemandi fær úthlutað vinnu á einu tímabiliana. 8. bekkingar starfa í 3,5 tíma á dag en 9. og 10. bekkingar í 7. tíma.

Nemendum er raðað í hópa eftir aldri og búsetu. Yfirleitt raðast nemendur með jafnöldrum sínum úr sama skóla en ekki er gert ráð fyrir að vinir eða vinkonur raðist sérstaklega saman. Vinnuskólinn er með starfsstöðvar við flesta grunnskóla borgarinnar og margir nemendur raðast því í þann skóla sem þeir búa næst.

Verkefni og fræðsla

Vinnuskólinn er útiskóli og flest öll verkefni skólans snúa að umhirðu gróðurs og beða víðs vegar í borgarlandinu og á stofnanalóðum. Helstu verkfæri sem notuð eru í starfi eru ýmis smá handverkfæri til beðavinnu, skóflur, hrífur og hjólbörur auk sláttuvéla og -orfa. Nemendur úr 10. bekk geta sótt um að starfa við annað en garðyrkju.

Nemendur fá fræðslu úti á vettvangi um umhverfismál auk þess sem 10. bekkur fær til sín Jafningjafræðslu Hins hússins.

Fyrirspurnir og/eða ábendingar

Fyrirspurnir má senda gegnum tölvupóst á netfangið vinnuskoli@reykjavik.is eða síma 4 11 11 11.

 

Þarfnast þessi síða lagfæringar?

5 + 4 =