Skráning í Vinnuskólann

""

Foreldrar skrá sína unglinga í vinnuskólann í gegnum þar til gert skráningarform. Nauðsynlegt er að hafa rafræn skilríki eða Íslykil. Allir nemendur úr 8. 9. og 10. bekkjum sem skráðir eru fá vinnu. 

Gögn fyrir skráningu

  • Rafræn skilríki
    Innskráning fer fram með rafrænum skilríkjum. Ef þú ert ekki með rafræn skilríki geturðu haft samband við skrifstofu Vinnuskólans. 
  • Reikningsnúmer 
    Mikilvægt er að reikningur í nafni unglingsins sé til staðar en án hans er ekki hægt að ljúka skráningu. Athugið að ekki er æskilegt að nota lokaða framtíðarreikninga sem launareikninga.
  • Netföng
    Það er gott að gefa upp það netfang sem mest er notað upp á samskipti fyrir sumarið. Það er gott ef þú getur kannað hvaða netfang þinn unglingur notar mest því við sendum út spurningakannanir síðari hluta sumars.

Eftirfarandi atriði þarf að hafa í huga við skráningu

  • Bankareikningsnúmer viðkomandi unglings er nauðsynlegt til að tryggt sé að hægt verði að greiða laun á réttum tíma.
  • Netföng bæði nemanda og foreldris/forráðaaðila. Það er gott að hafa í huga að skólanetföng nemenda úr 10. bekk lokast að skólaárinu loknu og því ekki hægt að notast við þau.
  • Þörf fyrir stuðning, sérúrræði eða aðrar þarfir er hægt að skrá ef foreldri telur þörf á
  • Við lok skráningar kemur yfirlitssíða en ýta þarf á SENDA hnapp neðst á henni til þess að skráning fari í gegn.

Við viljum vekja athygli á eftirfarandi atriðum sem töluvert er spurt um

  • Nemendur koma til með að vinna með öðrum úr sama skóla, en ekki er hægt að tryggja að vinkonur eða vinir raðist saman í hóp.
  • Það er hægt að fá leyfi á því starfstímabili sem nemandi starfar á en ekki er hægt að vinna upp tapaðan starfstíma. 
  • Það er ekki í boði að starfa eingöngu fyrir eða eftir hádegi (á við um nemendur úr 8. bekk).
  • Störf utan hefðbundinna vinnuskólahópa eru á ábyrgð viðkomandi starfsstaða en ef spurningar vakna er öllum velkomið að hafa samband við okkur.

Sérþarfir og óskir

Í skráningarferlinu óskum við eftir upplýsingum um sérþarfir nemanda, heilsufar (einkum ef það getur geta haft áhrif á starfsgetu nemanda) og loks er hægt að bæta við öðrum athugasemdum. 

Störf utan hefðbundins hópastarfs

Vinnuskólinn býður fyrst og fremst upp á hefðbundin umhirðustörf en á því eru nokkrar undantekningar. Skólinn er  í samstarfi við íþrótta- og æskulýðsfélög í borginni sem taka til sín nemendur úr 9. og 10. bekkjum sem þau þekkja vel til. Þeir nemendur sinna aðstoð á leikjanámskeiðum eða við umhirðu á vallarsvæðum. Ýmsir starfsstaðir innan Reykjavíkurborgar taka við nemendum úr 10. bekk, einkum leikskólar og frístundaheimili og loks taka félagsmiðstöðvar til sín nokkra hópa í sértækt starf auk umhirðu.

  • Skrá verður alla nemendur í Vinnuskólann óháð því hvar þeir koma til með að starfa því Vinnuskólinn greiðir launin.
  • Vinnuskólinn tekur ekki ákvarðanir um það hvaða unglingar raðast í störf hjá íþróttafélögunum og því verður að leita til þeirra varðandi möguleika á starfi þar.
  • Vinnuskólinn kemur hins vegar nemendum úr 10. bekk inn á starfsstaði borgarinnar ef/þegar hægt er. Rétt er að benda á að ekki er tryggt að allir sem óska eftir slíkum störfum komist að þar sem fjöldi starfanna er takmarkaður.
  • Það er rétt fyrir foreldra að hafa samband við viðkomandi starfsstað varðandi fyrirspurnir sem snúa að starfinu en að sjálfsögðu er í lagi að hafa samband við Vinnuskólann þegar spurningar vakna.

Að skráningu lokinni

  • Tölvupóstur með upplýsingum varðandi vinnu við skráningar verður sendur til þín að skráningu lokinni.
  • Upplýsingar um niðurröðun í hópa verður að nálgast í skráningarkerfinu þegar niðurröðun er lokið í lok maí. Tilkynning verður send með tölvupósti.
  • Allir sem skráðir eru fá starf.
  • Við vekjum athygli á því að foreldrar geta fylgst með viðveruskráningum sinna unglinga með því að skrá sig aftur inn í skráningarkerfið okkar og smella á nafn viðkomandi.

Fleiri spurningar?

Sendið fyrirspurnir á vinnuskoli@reykjavik.is

Ef þú lendir í vandræðum með skráningu þá er sjálfsagt að leita aðstoðar hjá Vinnuskólanum eða þjónustuveri borgarinnar í síma 411 1111.