Sunnuás

Leikskóli með ungbarnadeild

Dyngjuvegur 18
104 Reykjavík

411 3520 / 8944824
""

Um leikskólann

Opnunartími Sunnuáss er frá 7:30 til 17:00

Leikskólinn Sunnuás var stofnaður í júlí 2011 við sameiningu leikskólanna Ásborgar og Hlíðarenda. Í Sunnuási dvelja 146 börn samtímis á 7 deildum. Deildirnar heita Barnhóll, Álfabrekka, Dyngjan, Langholt, Ás, Langisandur og Hlíðarendi. 

Leikskólastjóri er Agnes Ólafsdóttir

 

Viltu vita meira?

Í þessu örstutta myndbandi er stiklað á stóru um starfsemi leikskólans. 

Hugmyndafræði

Gildi leikskólans eru virðing, gleði og sköpun

 

Hugmyndafræði Sunnuáss fjallar um að einstaklingurinn sé virkur allt frá fæðingu og tilbúinn að takast á við lífið. Markmið leikskólans taka mið af kenningum fræðimanna sem sjá þroskamöguleika einstaklingsins stjórnast af því umhverfi sem hann lifir í og leggja áherslu á sterka sjálfsmynd öðru fremur. Leikskólinn vinnur samkvæmt kenningum Beritar Bae um þróun sjálfsins og viðurkennandi samskipti og kenninga Urie Bronfenbrenner um hæfileika einstaklingsins til að aðlaga sig margbreytilegum og ólíkum kröfum. Þessar kenningar eru leið leikskólans til að gera Barnasáttmála Sameinuðu þjóðanna sýnilegan. 

Meira um hugmyndafræðina í skólanámskrá
Teikning af konu að kasta hlutum eins og sirkúslistamaður.

Leikskólastarf

Starfsáætlun

Hvað er framundan á Sunnuás? Í starfsáætlun Sunnuáss finnur þú meðal annars innra og ytra mat leikskólans fyrir síðasta ár, umbótaáætlun, leikskóladagatal og ótalmargt fleira. 

Skólanámskrá

Viltu vita meira um hugmyndafræði og daglegt starf Sunnuáss? Í skólanámskrá finnur þú ítarlegar upplýsingar um hugmyndafræðilegar áherslur og stefnu skólans í leik, námi og starfi. 

Leikskóladagatal

Hvenær eru starfsdagar á Sunnuási? Í skóladagatali finnur þú upplýsingar um frídaga í leikskólanum og ýmislegt fleira. 

Foreldrasamstarf

Við erum öll í þessu saman, enda er oft sagt að það þurfi heilt þorp til að ala upp barn. Í leikskólum borgarinnar er markvisst unnið að því að auka samráð við foreldra og styrkja aðkomu þeirra að leikskólastarfi.

 

Foreldrafélag og foreldraráð eru starfrækt í öllum leikskólum Reykjavíkurborgar. 

Meira um foreldrastarf í leikskólum Meira um aðlögun í leikskóla
Teikning af fólki að spjalla saman.

Miðstöð Sunnuáss

Leikskólinn Sunnuás tilheyrir Norðurmiðstöð. Norðurmiðstöð sinnir fjölbreyttri þjónustu við íbúa í Laugardal og Háaleiti og er alhliða upplýsingamiðlun um þjónustu borgarinnar. Þar er veitt velferðarþjónusta, skólaþjónusta við leik- og grunnskóla, daggæslu- og frístundaráðgjöf og ýmis önnur þjónusta. 

Farsæld barna

Ný lög um samþætta þjónustu í þágu farsældar barna hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. 

Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. 

Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.

Tengiliðir Sunnuáss eru: Rakel Ólafsdóttir og Sylvía Guðmundsdóttir