Austurborg
Leikskóli
Háaleitisbraut 70
103 Reykjavík
Um Austurborg
Leikskólinn Austurborg tók til starfa 1. júlí 1974 við Háaleitisbraut. Þar er gott útisvæði sem nýtist vel fyrir leiki og ýmiskonar útileikföng eins og hjól og snjóþotur. Leikskólinn er miðsvæðis, staðsettur nálægt helstu samgönguæðum borgarinnar og því auðvelt að ferðast með börnin um borgina. Fjórar deildir eru á leikskólanum þar sem pláss er fyrir 94 börn á aldrinum 18 mánaða til sex ára. Starfsfólk er 30 talsins. Yngri börnin eru á Putalandi og Bangsalandi en eldri börnin á Ólátagarði og Kattholti.
Leikskólastjóri er Hrafnhildur Konný Hákonardóttir.
Viltu vita meira?
Í þessu örstutta myndbandi er stiklað á stóru um starfsemi leikskólans.
Hugmyndafræði
Vil, get, kann eru einkunnarorð Austurborgar
Leikskólinn starfar i anda Reggio Emilia þar sem skapandi starf er í forgrunni ásamt því að nota kennsluaðferðina Leikur að læra.
Börnum á aldrinum tveggja til tíu ára eru kennd öll bókleg fög í gegnum leiki, hreyfingu og skynjun á skipulagðan, líflegan og árangursríkan hátt.
Lögð er áhersla á uppgötvunarnám út frá skapandi starfi svo sem tónlist, myndlist, leikrænni tjáningu og skapandi hugsun.
Leikskólastarf
Skólanámskrá
Viltu vita meira um hugmyndafræði og daglegt starf Austurborgar? Í skólanámskrá finnur þú ítarlegar upplýsingar um hugmyndafræðilegar áherslur og stefnu skólans í leik, námi og starfi.
Starfsáætlun
Hér birtist starfsáætlun Austurborgar fyrir árið 2022-2023 innan skamms.
Hvað er framundan á Austurborg? Í starfsáætlun finnur þú meðal annars innra og ytra mat leikskólans fyrir síðasta ár, umbótaáætlun, leikskóladagatal og ótalmargt fleira.
Foreldrasamstarf
Við erum öll í þessu saman, enda er oft sagt að það þurfi heilt þorp til að ala upp barn.
Í leikskólum borgarinnar er markvisst unnið að því að auka samráð við foreldra og styrkja aðkomu þeirra að leikskólastarfi.
Foreldrafélag og foreldraráð eru starfrækt í öllum leikskólum Reykjavíkurborgar.
Miðstöð Austurborgar
Leikskólinn Austurborg tilheyrir Norðurmiðstöð. Norðurmiðstöð sinnir fjölbreyttri þjónustu við íbúa í Laugardal og Háaleiti og er alhliða upplýsingamiðlun um þjónustu borgarinnar. Þar er veitt velferðarþjónusta, skólaþjónusta við leik- og grunnskóla, daggæslu- og frístundaráðgjöf og ýmis önnur þjónusta.
Farsæld barna
Ný lög um samþætta þjónustu í þágu farsældar barna hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum.
Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana.
Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.
Tengiliðir Austurborgar eru: Bylgja Rós Rúnarsdóttir og Ásta Ragnheiður Hafstein
Myndir frá Austurborg
Hvað viltu skoða næst?
- Að byrja í leikskóla Upphaf skólagöngu barns stór stund í lífi þess.
- Innritun í leikskóla Hægt er að sækja um leikskóla frá fæðingardegi barns.
- Allir leikskólar Hér getur þú skoðað lista yfir alla leikskóla í Reykjavík
- Vinnsla persónuupplýsinga í leikskólum Reykjavíkur Leikskólinn tryggir að eingöngu aðilar, sem til þess hafa heimild, hafi aðgang að upplýsingum leikskólans.
- Stefnur Hér finnur þú samþykktar stefnur og stefnumarkandi áætlanir Reykjavíkurborgar.
- Menntastefna Reykjavíkur - látum draumana rætast Kynntu þér Menntastefnu Reykjavíkurborgar.
- Farsældarþjónusta Samþætt þjónusta í þágu farsældar barna