Draumaland
Um Draumaland
Draumaland er frístundaheimili fyrir börn í 1.-4. bekk í Austurbæjarskóla sem er rekið af frístundamiðstöðinni Tjörninni.
Forstöðumaður Draumalands er Þorbjörg Roach Gunnarsdóttir
Aðstoðarforstöðumaður er Daniel Diaz Garcia
Lengd viðvera
Á starfsdögum skóla, foreldraviðtalsdögum og í jóla- og páskaleyfi er opið allan daginn í Draumalandi frá klukkan 08:00 til 17:00 að undangenginni skráningu. Greitt er sérstaklega fyrir lengda viðveru á þessum dögum. Draumaland er lokað í vetrarleyfi skólans.
Dagleg starfsemi
Það sem einkennir Draumaland er mikil fjölmenning, mikil áhersla er lögð á klúbbastarf og að leyfa börnunum að leiða starfið eins mikið og hægt er. Staðsetningin gerir það að verkum að auðvelt er að fara með börnin í styttri og lengri vettvangsferðir að heimsækja miðbæinn, höfnina, Klambratún og Hljómskálagarðinn svo dæmi séu tekin. Á föstudögum er Fjórðabekkjarklúbbur þar sem fjórði bekkurinn fær að njóta sín í verkefnum sem henta þeirra aldri.
Hagnýtar upplýsingar
Dagatal Draumalands
Hvenær eru starfsdagar í Draumalandi? Í dagatalinu getur þú skoðað skipulag vetrarins.
Aðgerðaráætlun barnastarfs
Einelti í skóla- og frístundastarfi
Einelti og ofbeldi getur haft varanleg áhrif á sálarlíf barna og unglinga. Það á ekki að viðgangast í skóla- og frístundastarfi. Allir starfsstaðir barna og unglinga eru með áætlun gegn einelti. Foreldrar sem fá vísbendingar eða upplýsingar um einelti ættu að taka það alvarlega og tilkynna til viðkomandi aðila. Starfsstaðir skóla- og frístundasviðs Reykjavíkurborgar starfa eftir gátlista vegna eineltis sem unninn var í víðtæku samráði fagaðila.
Gjaldskrá
Hér getur þú nálgast gjaldskrá fyrir vetrar- og sumarstarf frístundaheimila ásamt upplýsingum um systkina afslátt og ýmislegt fleira.
Foreldrahandbók
Við leggjum okkur fram við að vera í góðu samstarfi við foreldra og aðra
sem koma að degi barnsins, svo sem skóla, íþróttafélög og þjónustumiðstöð. Í foreldrahandbók getur þú fundið upplýsingar um aðstöðu, dagskrá, hressingu og margt fleira.
Röskun á skóla- og frístundastarfi
Tilmæli eru um viðbrögð foreldra / forráðamanna barna í skólum og frístundastarfi. SHS hefur verið falið af sveitarfélögum á höfuðborgarsvæðinu að fylgjast með veðri og veðurspám og senda út tilkynningar ef á þarf að halda, eftir atvikum í samráði við lögreglu og fræðsluyfirvöld.
Myndir frá Draumalandi
Farsæld barna
Ný lög um samþætta þjónustu í þágu farsældar barna hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.
Upplýsingar um tengiliði farsældar fyrir börn í frístundaheimilinu Draumalandi má finna á heimasíðu Austurbæjarskóla