Sumarnámskeið

Börn og fullorðnir sigla á bátum í Fjölskyldu- og húsdýragarðinum

Hér má finna upplýsingar um alls konar sumarnámskeið á vegum Reykjavíkurborgar fyrir börn og unglinga.

Félagsmiðstöðvar og frístundaheimili

Frístundamiðstöðvar borgarinnar bjóða upp á sumarnámskeið, á frístundaheimilum fyrir börn á aldrinum 6–9 ára yfir sumartímann. Einnig bjóða þær upp á smiðjur fyrir 10–12 ára börn og félagsmiðstöðvaopnun fyrir 13–16 ára unglinga.

Í sumarfrístund frístundaheimilanna fyrir 6–9 ára er greitt fyrir viku í senn fyrir dvalartímann 8:30–16:30. Í smiðjunum fyrir 10–12 ára er oftast greitt fyrir hverja smiðju sem stendur yfir í um það bil 2–6 klukkustundir.

Siglunes

Siglunes er í raun ævintýramiðstöð við sjóinn þar sem hressum og kjörkuðum krökkum gefst kostur á að finna kröftum sínum og ævintýraþrá farveg. Á sumrin er boðið uppá siglinganámskeið fyrir börn og unglinga á aldrinum 9–16 ára. Auk námskeiða er boðið uppá siglingaklúbb fyrir 10–16 ára unglinga sem hafa reynslu af siglingum og öðru bátasporti.

Námskeið í boði í Siglunesi Skráning

Teikning af manneskju sem liggur dreymandi á öldutoppi.

Fjölskyldu- og húsdýragarðurinn

Dýranámskeið fyrir 10–12 ára krakka. Á námskeiðinu vinna krakkarnir með dýr garðsins og námskeiðið því upplagt fyrir krakka sem áhuga hafa á dýrum almennt. Þau taka þátt í verkum í fjárhúsi, hesthúsi, svínastíu og meðal villtu dýranna. Auk þess eru framandi dýr heimsótt.

Meira um Dýranámskeið Skráning

Teikning af kanínu með blóm í kjaftinum.

Sumarsmiðjur Borgarbókasafnsins

Borgarbókasafnið býður börnum og unglingum á aldrinum 9 - 16 ára upp á sumarsmiðjur. Leitast er við að breikka úrvalið af námskeiðum sem er í boði fyrir börn og unglinga, svo öll finni eitthvað við sitt hæfi. Sem dæmi býður safnið upp á námskeið í borðspilahönnun, lagasmíðum, ljósmyndun og sagnagerð.

Sumarsmiðjurnar eru, líkt og öll dagskrá Borgarbókasafnsins, alltaf ókeypis.

Meira um sumarsmiðjur Borgarbókasafnsins Skráning