Berg

Leikskóli

Kollagrund 6
116 Reykjavík

411 7171
Leikskólinn Berg og leiktæki á lóðinni.

Um leikskólann

Opnunartími Bergs er 7:45-16:30

Leikskólinn Berg er staðsettur rétt neðan við Kléberg á Kjalarnesi. Hann er lítill og heimilislegur leikskóli þar sem meðal annars er stutt í fjöruna, mikil fjallasýn og fjölskrúðugt fuglalíf. Á Bergi eru tvær deildir sem heita Dvergasteinn (1-2 ára) og Álfasteinn (3-6 ára). 

Leikskólastjóri er Sigrún Anna Ólafsdóttir

Aðstoðarleikskólastjóri er Kristín Sigríður Evertsdóttir

 

Viltu vita meira?

Í þessu örstutta myndbandi er stiklað á stóru um starfsemi leikskólans. 

Hugmyndafræði

Leiðarljós Bergs eru leikur, samvinna og virðing

 

Lögð er áhersla á umhverfismennt og útinám, ásamt auðugu málumhverfi. Út frá staðsetningu og upplifun á umhverfinu leggjum við áherslu á að endurspegla kyrrðina og notalegheitin sem eru allt í kring. Við viljum hafa rólegt og heimilislegt andrúmsloft, þannig að öllum finnist notalegt að koma til okkar, hvort sem er í lengri eða skemmri tíma. 

Teikning af fjórum manneskjum sem halda á og horfa í gegnum ramma sem blöðrur eru bundnar við.

Leikskólastarf

Starfsáætlun

Hvað er framundan á Bergi? Í starfsáætlun finnur þú meðal annars innra og ytra mat leikskólans fyrir síðasta ár, umbótaáætlun, leikskóladagatal og ótalmargt fleira. 

Leikskóladagatal

Hér má finna leikskóladagatal Bergs. Í leikskóladagatali eru upplýsingar um starfsdaga og fleira sem gott er að vita fyrir foreldra og forsjáraðila.   

Foreldrasamstarf

Við erum öll í þessu saman, enda er oft sagt að það þurfi heilt þorp til að ala upp barn. Í leikskólum borgarinnar er markvisst unnið að því að auka samráð við foreldra og styrkja aðkomu þeirra að leikskólastarfi. Foreldrafélag og foreldraráð eru starfrækt í öllum leikskólum Reykjavíkurborgar. 

Meira um foreldrastarf í leikskólum Meira um aðlögun

Miðstöð Bergs

Leikskólinn Berg tilheyrir Austurmiðstöð. Austurmiðstöð sinnir fjölbreyttri þjónustu við íbúa í Árbæ, Grafarholti, Grafarvogi og Kjalarnesi og er alhliða upplýsingamiðlun um þjónustu borgarinnar. Þar er veitt velferðarþjónusta, skólaþjónusta við leik- og grunnskóla, daggæslu- og frístundaráðgjöf og ýmis önnur þjónusta.   

Farsæld barna

Ný lög um samþætta þjónustu í þágu farsældar barna hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. 

Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. 

Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.

Tengiliður Bergs er: Kristín Sigríður Evertsdóttir

Myndir frá Bergi