Hæ! Hvernig getum við aðstoðað?

Reykjavíkurborg hefur hafið innleiðingu á rafrænum innkaupabeiðnum í samstarfi við Símann Pay. Breytingin verður innleidd í áföngum á öllum starfsstöðvum borgarinnar á næstu mánuðum og mun leiða til þess að innkaupabeiðnir á pappír, sem hafa verið notaðar hjá Reykjavíkurborg um áratugaskeið, verða lagðar niður.

Reykjavíkurborg er í hópi 120 borga á lista óháða matsfyrirtækisins CDP, sem fá hæstu einkunn fyrir að hafa heildstæða áætlun aðgerða tengda loftslagsvá í stefnumörkun sinni. Alls skiluðu 738 borgir inn gögnum til CDP og komust aðeins 16% þeirra inn á A-listann fyrir árið 2025.

Nýafstaðin úthlutun Tónlistarsjóðs efldist til muna með 11 milljóna króna framlagi frá Reykjavíkurborg. Féð kom úr Músíksjóði Guðjóns Sigurðssonar, sem stofnaður var árið 1908 en hefur nú verið slitið. Styrkhafar komu saman til að fagna úthlutuninni.

Nú er opið fyrir umsóknir um Námsstyrk Ellýjar Katrínar, árlegan námsstyrk sem veittur er til meistaranema í umhverfis- og loftslagsmálum.