Evrópsk samgönguvika 2026
Árleg evrópsk samgönguvika stendur yfir 16.-22, september. Vikan er haldin til að hvetja fólk á ferð til að nota fjölbreytta ferðamáta sem eru í senn hagkvæmir og heilsusamlegir.
Samgöngur fyrir öll
Frá árinu 2002 hafa borg og bæjarfélög á Íslandi tekið þátt í samstilltu átaki sveitarfélaga í Evrópu til að ýta undir sjálfbærar samgöngur. Umhverfis- orku- og loftslagsráðuneytið hefur umsjón með vikunni á Íslandi. Þema vikunnar að þessu sinni er Samgöngur fyrir öll.
Fjöldi viðburða
Viðburðir verða haldnir á vegum félagasamtaka og sveitarfélaga, en nálgast má upplýsingar um dagskrá vikunnar hér á heimasíðum sveitarfélaganna, auk Facebook-síðu vikunnar.
Samgönguráðstefna
Meðal þeirra viðburða sem eru á dagskrá að þessu sinni má nefna Samgönguráðstefnu ITS sem fer fram á upphafsdegi samgönguviku, 16. september.
Auðlindahringur
Þá býður Orkuveitan til Auðlindahrings í Elliðaárdalnum þann 17. september í tilefni af samgönguviku og þennan sama dag kl. 16 verða BMX Bros með námskeið og sýningu á Miðbæjartorginu í Mosfellsbæ.
Opið hús
Betri samgöngur og Almenningssamgöngur, áður Strætó, verða með opið hús 18. september frá kl. 14-16 í nýjum húsakynnum sínum í Hafnarstræti 7.
Frestað: Ný hjóla- og göngubrú
Formleg vígsla nýrrar hjóla- og göngubrúar yfir Elliðaár við Dimmu fer síðan fram - ákveðið síðar.
Bíllausi dagurinn
Vikan endar svo á Bíllausa deginum, 22. september, þegar almenningur er hvattur til þess að skilja bílinn eftir heima og til að auðvelda það verður frítt í strætó á höfuðborgarsvæðinu.
Umferðarþing
Þennan sama dag mun Samgöngustofa standa fyrir Umferðaþingi þar sem athyglinni verður beint að unga fólkinu og umferðinni.
