3. Ný atvinnutækifæri framtíðar

Helstu markmið í fjármálum, uppbyggingu og atvinnumálum í Reykjavík til 2030

Markmið Reykjavíkurborgar í þróun atvinnutækifæra til 2030 er að hún verði á forsendum þekkingar, nýsköpunar og sjálfbærni til framtíðar.

• Aukin áhersla er lögð á að rækta nýsköpunarhugsun og skilning borgarkerfisins á forsendum nýsköpunar í atvinnulífi og menningu 
• Þjónustu borgarinnar, þ.m.t. við atvinnulífið hefur verið umbreytt til stafrænna, einfaldara og aðgengilegra horfs 
• Grænar og skapandi greinar hafa verið efldar og störfum í nýsköpun fjölgað með áherslu á sprotastarfsemi og fjölda nýsköpunarlausna
• Í þróun hefðbundinna atvinnugreina innan borgarinnar er áhersla lögð á aukna nýsköpun, sjálfbærni og atvinnuþátttöku allra þjóðfélagshópa
• Reykjavíkurborg tekur þátt í ýmiss konar árangursríku klasasamstarfi og alþjóðlegu nýsköpunar- og rannsóknarsamstarfi
• Reglulega er skoðað hvaða hæfni og þekkingu Reykjavík framtíðarinnar kallar eftir og hvernig við tryggjum að hún sé til staðar m.a. í gegnum skólakerfið