Hellirinn

Um Hellinn

Hellirinn er sértæk félagsmiðstöð fyrir börn í grunnskólum Breiðholts. Boðið er upp á aldursskipta þjónustu annars vegar fyrir 10-12 ára og hins vegar fyrir 13-16 ára. Markmið Hellisins er að bjóða upp á fjölbreytt og aldurstengd viðfangsefni sem höfða til ólíkra barna og unglinga með mismunandi áhugasvið. Hugmyndafræði félagsmiðstöðvarinnar byggir á einstaklingsmiðaðri þjónustu þar þátttakandinn sjálfur er virkur í eigin markmiðasetningu og unnið er með styrkleika og áhugasvið hvers og eins.

Hellirinn tilheyrir Miðbergi frístundamiðstöð

Forstöðumaður er Eva Helgadóttir, s: 664-7684

Aðstoðarforstöðumenn eru: Birkir Björnsson, s: 626-2561 og Anna Dröfn Óladóttir, s: 695-5135

Farsæld barna

Ný lög um samþætta þjónustu í þágu farsældar barna  hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.

Upplýsingar um tengiliði farsældar fyrir börn í félagsmiðstöðinni Hellinum má finna heimasíðum grunnskóla barnanna.

• Meira um farsæld barna í Reykjavík
• Nánari upplýsingar um lögin og þjónustuna á landsvísu