Barnamenningarhátíð - Forsíða

Valmynd

Barnamenningarhátíð 2026

Barnamenningarhátíð í Reykjavík fer fram dagana 20. - 26. apríl næstkomandi og er vettvangur hátíðarinnar borgin öll. Fjölbreyttir viðburðir fara fram í grunnskólum, leikskólum, frístundamiðstöðvum, menningarstofnunum, listaskólum og víðar. Barnamenningarhátíðin rúmar allar listgreinar fyrir börn og fjölskyldur þeirra.

Frítt er inn á alla viðburði.

Ertu með hugmynd af viðburði fyrir barnamenningarhátíð

Opið er fyrir umsóknir í viðburðapott Barnamenningarhátíðar 2026. Umsóknarfrestur er til og með 21. nóvember 2025.

Allir viðburðir skulu fara fram á meðan hátíðin stendur og vera þátttakendum að kostnaðarlausu.

Þema Barnamenningarhátíðar árið 2026 er samkennd og samfélag.

Lag Barnamenningarhátíðar

Á hverju ári er samið nýtt lag Barnamenningarhátíðar. Lagið er samvinna tónlistarfólks og allra grunnskólabarna í 4. bekk í Reykjavík.

Lag Barnamenningarhátíðar 2025 var samið af stuðpinnunum í hljómsveitinni Inspector Spacetime

Hljómsveitina skipa þau Egill Gauti Sigurjónsson, Elías Geir Óskarsson og Vaka Agnarsdóttir. Við erum gífurlega þakklát fyrir að þau tóku þátt í þessu verkefni með okkur.

Þema Barnamenningarhátíðar árið 2025 var „út að leika“ og fengu nemendur í 4. bekk í borginni það verkefni að svara ýmsum spurningum um hvað felist í orðunum út að leika. Texti lagsins er byggður á svörum barnanna og var lagið frumflutt af Inspector Spacetime í Eldborgarsal Hörpu 8. apríl síðastliðinn.

Útsetning og höfundar lags: Inspector Spacetime
Kvikmyndataka: Jakob Thor Jörundsson og Róbert Reynisson
Leikstjórn: Erla Stefánsdóttir og Sandra Zeilisa