Óskað eftir erindrekum á BIG BANG tónlistarhátíðina í Hörpu

Hljómsveitin Celebs flytur lag Barnmenningarhátíðar 2024 á Big Bang tónlistarhátíðinni 2024
Hljómsveitin Celebs flytur lag Barnmenningarhátíðar 2024 á Big Bang tónlistarhátíðinni 2024

Big Bang Festival er ævintýraleg tónlistarhátíð fyrir unga áheyrendur sem haldin er í Hörpu á Sumardaginn fyrsta.

Hátíðin verður haldin í Hörpu á sumardaginn fyrsta, 24. apríl 2025 kl. 11–16 og er markmið hátíðarinnar er að auka aðgengi barna að tónlist og er frítt inn á alla viðburði. 

En hvað eru erindrekar? 

Erindrekar er hópur 10-12 ára barna sem gegna mikilvægu hlutverki á Big bang hátíðinni því þeir sjá um að taka á móti gestum sem mæta í Hörpu. Þau sjá um leiðsagnir um húsið, kynna tónleika og uppákomur, taka viðtöl við tónlistarfólkið og eiga stóran þátt í því að búa til ógleymanlega stemmningu í Hörpu þennan dag. 

Ert þú í 5., 6. eða 7. bekk og hefur áhuga á að verða erindreki, þá hvetjum við þig til að sækja um. 

Óskað er eftir myndbandi þar sem þú segir okkur frá því af hverju þú hefur áhuga á að taka þátt og af hverju þú værir frábær erindreki.  

Myndbandið má ekki vera lengra en 1 mínúta og sendist á barnamenningarhatid@reykjavik.is Umsóknarfrestur er til 11. mars 2025.

Þau sem verða valin fara á námskeið hjá Ingibjörgu Fríðu Helgadóttur, tónlistarkonu, og fá þjálfun í að kynna, koma fram, taka viðtöl og fleira. 

Upplýsingamyndband um verkefnið: 

Video file