Barnamenningarhátíð - Big Bang Festival
Big Bang Festival
Big Bang Festival er ævintýraleg evrópsk tónlistarhátíð fyrir unga áheyrendur. Markmið hátíðarinnar er að auka aðgengi barna að tónlist og frítt á alla viðburði.
Tónlistarhátíðin var stofnuð árið 2010 af sex evrópskum samstarfsaðilum.
Hátíðin verður haldin í Hörpu á Sumardaginn fyrsta, 24. apríl 2025 kl. 11–16.
Dagskrá Big Bang
Barnamenningarhátíð í Reykjavík
Barnamenningarhátíð í Reykjavík var boðin þátttaka í verkefninu árið 2019. Fyrsta Big Bang hátíðin var haldin í Hörpu í hitt í fyrra fyrir troðfullu húsi. Hátíðin verður aftur haldin í Hörpu 25. apríl 2024 kl. 11–16.
Á hátíðinni er lögð sérstök áhersla á að fá til leiks tónlistarfólk og tónskáld sem sjá ævintýrið í tónlistarsköpun sinni og vilja leita frjórra leiða til að gera öllum börnum kleift að sækja tónleika og eiga þar ríkulega og eftirminnilega reynslu. Einnig er leitað eftir samstarfi við aðila innan menningargeirans sem leggja kapp á að ná til nýrra áhorfenda.
Markmið Big Bang eru:
- Að auka gæði, fagmennsku og samtal listamanna og viðburðahaldara sem koma að tónlistarviðburðum fyrir börn og ungmenni.
- Að hvetja til samtals og samstarfs milli þeirra sem starfa að listum og menningu og þeirra sem semja og flytja tónlist fyrir börn.
- Að hvetja tónlistarfólk til að semja nýja og fjölbreytta tónlist með börn í forgrunni.
- Að auðga og bæta gæði þeirrar tónlistar sem börnum er boðið upp á.
- Að móta verkefni sem þroska og þróa unga áhorfendur og hvetja börn til að fást við tónlist sem ekki er háð markaðslögmálum.
- Að þróa verkfærakistu fyrir fólk sem vinnur með tónlist og tónlistarviðburði fyrir unga áheyrendur svo það geti bætt kunnáttu sína og færni.