Askja

Félagsmiðstöð fyrir 10–16 ára

Klettaskóli, Suðurhlíð 9
105 Reykjavík

411 5461 Askja á Instagram
Klettaskóli

Um Öskju

Félagsmiðstöðin Askja er ein af sjö félagsmiðstöðvum í Laugardals-, Háaleitis- og Bústaðahverfi sem starfrækt er af Kringlumýri, frístundamiðstöð. Markhópurinn er börn og unglingar í 5.-10.bekk í Klettaskóla.

Forstöðumaður er Brynjar Orri Bjarnason

Aðstoðarforstöðumenn eru Morgan M. Þorkelsdóttir og Anice Theodór Chebout

Viltu vita meira?

Viltu vita meira um  Öskju? Í þessu örstutta myndbandi er stiklað á stóru um starfsemi félagsmiðstöðvarinnar.

Opnunartímar

13-16 ára:

Alla virka daga frá því að skóladegi lýkur til kl. 17:00

Miðvikudagskvöld frá 19:00-21:00

Teikning af fjórum unglingum.

Dagleg starfsemi

Í Öskju leggjum við mikla áherslu á unglingalýðræði og höldum unglingaráðsfundi reglulega. Unglingarnir hafa þannig áhrif á það sem er gert í skipulögðu starfi í félagsmiðstöðinni. 

Á hverjum degi er í boði val. Unglingarnir velja á milli þriggja valmöguleika. Eftir val er frjáls tími, en þá er hægt að finna sér ýmislegt til dundurs. Má sem dæmi nefna úrval borðspila, playstation tölvu, fótboltaspil og fleira. Auk þess förum við oft út og finnum upp á ýmsu skemmtilegu að gera. 

Á föstudögum erum við með föstudagsfjör og þá er heldur betur FJÖR. Við syngjum í karíókí, erum með bingó, förum í leiki, horfum á skemmtilegar bíómyndir og margt fleira, eftir því hvernig liggur á okkur.

Myndir frá Öskju

Hagnýtar upplýsingar

Einelti í skóla- og frístundastarfi

Einelti og ofbeldi getur haft varanleg áhrif á sálarlíf barna og unglinga. Það á ekki að viðgangast í skóla- og frístundastarfi. Allir starfsstaðir barna og unglinga eru með áætlun gegn einelti. Foreldrar sem fá vísbendingar eða upplýsingar um einelti ættu að taka það alvarlega og tilkynna til viðkomandi aðila. Starfsstaðir skóla- og frístundasviðs Reykjavíkurborgar starfa eftir gátlista vegna eineltis sem unninn var í víðtæku samráði fagaðila. 

Röskun á skóla- og frístundastarfi

Tilmæli eru um viðbrögð foreldra / forráðamanna barna í skólum og frístundastarfi. SHS hefur verið falið af sveitarfélögum á höfuðborgarsvæðinu að fylgjast með veðri og veðurspám og senda út tilkynningar ef á þarf að halda, eftir atvikum í samráði við lögreglu og fræðsluyfirvöld.

Farsæld barna

Ný lög um samþætta þjónustu í þágu farsældar barna  hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.

Upplýsingar um tengiliði farsældar fyrir börn í félagsmiðstöðinni Öskju má finna á heimasíðu Klettaskóla.