Askja

Um Öskju

Félagsmiðstöðin Askja er ein af sjö félagsmiðstöðvum í Laugardals-, Háaleitis- og Bústaðahverfi sem starfrækt er af Kringlumýri, frístundamiðstöð. Markhópurinn er börn og unglingar í 5.-10.bekk í Klettaskóla.

Forstöðumaður er Helena Vignisdóttir

Dagleg starfsemi

Í Öskju leggjum við mikla áherslu á unglingalýðræði og höldum unglingaráðsfundi reglulega. Unglingarnir hafa þannig áhrif á það sem er gert í skipulögðu starfi í félagsmiðstöðinni. 

Á hverjum degi er í boði val. Unglingarnir velja á milli þriggja valmöguleika. Eftir val er frjáls tími, en þá er hægt að finna sér ýmislegt til dundurs. Má sem dæmi nefna úrval borðspila, playstation tölvu, fótboltaspil og fleira. Auk þess förum við oft út og finnum upp á ýmsu skemmtilegu að gera. 

Á föstudögum erum við með föstudagsfjör og þá er heldur betur FJÖR. Við syngjum í karíókí, erum með bingó, förum í leiki, horfum á skemmtilegar bíómyndir og margt fleira, eftir því hvernig liggur á okkur.

Farsæld barna

Ný lög um samþætta þjónustu í þágu farsældar barna  hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.

Upplýsingar um tengiliði farsældar fyrir börn í félagsmiðstöðinni Öskju má finna á heimasíðu Klettaskóla

Nánari upplýsingar um lögin og þjónustuna eru á heimasíðunni farsaeldbarna.is​