Ártúnsskóli - leikskóladeild

Leikskóli

Árkvörn 4
110 Reykjavík

411 7690
Leikskóladeild Ártúnsskóla og leiktæki á lóðinni.

Um leikskólann

 Opnunartími leikskóladeildar er frá 7:30 til 16:30

Ártúnsskóli er samrekinn grunnskóli, leikskóli og frístund. Leikskólinn skiptist í þrjár deildir þar sem 61 börn geta dvalið samtímis. Yngstu börnin eru á Árholti svo fara þau á Lágholt og elstu börnin eru á Háholti. Starfsmenn leikskólans eru um 15 talsins. 

Skólastjóri er Ellen Gísladóttir

Aðstoðarleikskólastjóri er Svava Björk Ásgeirsdóttir

 

Ártúnsskóli - leikskóladeild

Viltu vita meira um leikskóladeildina? Í þessu örstutta myndbandi er stiklað á stóru um starfsemi leikskólans. Unnið af Erlu Stefánsdóttur og Antoníu Lárusdóttur fyrir skóla- og frístundasvið. 

Hugmyndafræði

Gildi skólans eru árangur, virðing og vellíðan

 

Einkunnarorðin endurspegla áherslur skólastarfsins í heild. Stefnt er að framúrskarandi árangri, virðing borin fyrir fólki og umhverfi og fjölbreytileikanum fagnað. Skólinn leggur áherslu á heildstæða móðurmálskennslu, umhverfismennt og útikennslu, heilsueflingu, sköpun og lífsleikni.

Leikskólastarf

Starfsáætlun

Hvað er framundan í Ártúnsskóla? Í starfsáætlun finnur þú meðal annars innra og ytra mat leikskólans fyrir síðasta ár, umbótaáætlun, leikskóladagatal og ótalmargt fleira. 

Skólanámskrá

Skólanámskrá leikskóladeildar er í vinnslu

Viltu vita meira um hugmyndafræði og daglegt starf Ártúnsskóla leikskóladeildar? Í skólanámskrá finnur þú ítarlegar upplýsingar um hugmyndafræðilegar áherslur og stefnu skólans í leik, námi og starfi.

Foreldrasamstarf

Við erum öll í þessu saman, enda er oft sagt að það þurfi heilt þorp til að ala upp barn. Í leikskólum borgarinnar er markvisst unnið að því að auka samráð við foreldra og styrkja aðkomu þeirra að leikskólastarfi. Foreldrafélag og foreldraráð eru starfrækt í öllum leikskólum Reykjavíkurborgar. 

 

Sjá meira um foreldrastarf í leikskólum Sjá meira um aðlögun
Mynd af leikskólalóð Ártúnsskóla

Miðstöð Ártúnsskóla

Ártúnsskóli tilheyrir Austurmiðstöð. Austurmiðstöð sinnir fjölbreyttri þjónustu við íbúa í Árbæ, Grafarholti, Grafarvogi og Kjalarnesi og er alhliða upplýsingamiðlun um þjónustu borgarinnar. Þar er veitt velferðarþjónusta, skólaþjónusta við leik- og grunnskóla, daggæslu- og frístundaráðgjöf og ýmis önnur þjónusta.   

 

Farsæld barna

Ný lög um samþætta þjónustu í þágu farsældar barna hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.

Tengiliður Ártúnsskóla leikskóladeildar er: Timea Sóos

Nánari upplýsingar um lögin og þjónustuna eru á heimasíðunni farsaeldbarna.is

Myndir frá Ártúnsskóla