Hæ! Hvernig getum við aðstoðað?

Fyrsti aðalfundur með þátttakendum í Loftslagsborgarsamningi Reykjavíkur fór fram fyrir skemmstu í Tjarnarsal Ráðhúss Reykjavíkur. Dagskráin var fjölbreytt og endurspeglaði áskoranirnar sem framundan eru í átt að kolefnishlutleysi. Ákveðið stef sem kom ítrekað upp var að loftslagsmál séu lífsgæðamál, það sé áskorun að breyta venjum fólks og það þurfi hugrekki og seiglu í þessari vegferð.

Á morgun, laugardaginn 15. nóvember klukkan 17:00, verður kveikt á ljósunum á jólakettinum á Lækjartorgi. Grýla, Leppalúði og Lúðrasveitin Svanur verða á svæðinu til að skapa notalega og skemmtilega jólastemmningu og öll eru velkomin á viðburðinn!

Umhverfis- og skipulagsráð Reykjavíkur hefur samþykkt breytingu á deiliskipulagi við Suðurhóla í Breiðholti sem felur í sér nýja íbúðabyggð með áherslu á fjölskylduvænar íbúðir í raðhúsum sem og tvíbýlishús með minni íbúðum.  

Tillögur um úrbætur sem lúta að auknu innra og ytra eftirliti og aðgerðir til að styrkja starfsemi og starfsumhverfi og auka forvarnir í leikskólum Reykjavíkur voru afgreiddar í borgarráði í dag.