Tónabær

Um Tónabæ

Félagsmiðstöðin Tónabær er ein af sjö félagsmiðstöðvum í Laugardals-, Háaleitis- og Bústaðahverfi sem starfrækt er af Kringlumýri, frístundamiðstöð. Markhópurinn er börn og unglingar í 5.-10.bekk í Álftamýrarskóla  og Hvassaleitisskóla.

Í Tónabæ er allskonar afþreying í boði líkt og pool, píla, playstation borðtennis, stúdíó, fótboltaspil, borðspil, listasmiðja, kosý horn fyrir spjall og margt fleira. Starfsfólk Tónabæjar heldur uppi metnaðarfullri og skipulagðri dagskrá og fá foreldrar og forráðamenn mánaðardagskrá senda í tölvupósti, ásamt því að vera hengd upp í skólunum og deilt á samfélagsmiðla fyrir unglingastigið.

Forstöðukona Tónabæjar er Indíana Björk Birgisdóttir

Aðstoðarforstöðukona Tónabæjar er Selma Finnbogadóttir

Farsæld barna

Ný lög um samþætta þjónustu í þágu farsældar barna  hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.

Upplýsingar um tengiliði farsældar fyrir börn í félagsmiðstöðinni Tónabæ má finna á heimasíðu Álftamýrarskóla.

• Meira um farsæld barna í Reykjavík
• Nánari upplýsingar um lögin og þjónustuna á landsvísu