Kynjafræðsla fyrir unglingastig - kennsluhugmyndir og verkefn
Hér er verkfærakista sem inniheldur kennsluefni, bæklinga, kennsluhugmyndir og verkefni sem hægt er að notast við í kynjafræðslu á unglingastigi.
Að greina lagatexta
Hér má finna kennsluhugmynd fyrir 9. og 10. bekk þar sem farið er í greiningu á skilaboðum í lagatextum.
Karlmennska og kvenleiki
Kennsluhugmynd um hvernig hægt sé að skoða áhrif karlmennskuímynda og kvenleika á hegðun ungmenna í ákveðnum aðstæðum.
Kennsluefni
Kynjafræði fyrir byrjendur - Rafræn kennslubók um kynjafræði sem ætluð er fyrir framhaldsskólanemendur. Bókin er þó tilvalin fyrir kennara á unglingastigi til að lesa í þeim tilgangi að styrkja þekkingu sína á málefninu. Eins er einfalt að taka ákveðna efnisþætti úr bókinni og aðlaga að hæfni nemenda á efsta stigi grunnskóla.
Allir eiga rétt - á vefnum má finna fjölbreytt kennsluefni frá Unicef um réttindi, skyldur, samstöðu og umburðarlyndi. Efninu er skipt upp í 7 kafla ásamt verkefnum.
Á ferð um samfélagið er kennslubók í þjóðfélagsfræði sem kemur inn á jafnrétti kynjanna ásamt öðrum samfélagstengdum viðfangsefnum svo sem samkynhneigð og hinsegin réttindum.
Amicos non ficta er tilfinninga- og vináttuverkefni, þróað til að efla stráka í að skilja og tjá sig um tilfinningar sínar á sama tíma og þeir hanna og skapa hluti.
Byggjum betri heim - verkefnahefti sem skátahreyfingin tók saman og byggir á heimsmarkmiðum Sameinuðu þjóðanna. Heftið er þýtt og staðfært og hægt að nota rafrænt eða prentað út.
Feminísk verkefni - spurningar um femínisma sem hægt er að nýta í kynjafræðslu.
Frá mínum sjónarhól er verkefni um kynjajafnrétti og tengingu við sjálfbærni út frá Heimsmarkmiðunum.
Grunnkúrs í kvenréttindum - námsefni sem er byggt á Kvennasáttmála SÞ (CEDAW) og Pekingsáttmálanum.
Hinsegin og karlmennskan - nokkrar spurningar til að koma af stað umræðum um hinsegin málefni og karlmennskuna.
Kynjafræði fyrir byrjendur er kennslubók í kynjafræði fyrir framhaldsskóla og elstu bekki grunnskólanna.
Kynungabók - markmið bókarinnar eru m.a. að veita raunsæja mynd af stöðu kynjanna í samfélaginu og að jafnréttismál varða alla.
Rokk og róttækni - æskulýðsróttæknin leiddi af sér frjálslyndara samfélag sem kom meðal annars fram í auknum réttindum kvenna og samkynhneigðra.
Staðalmyndir og hugtök er verkefni sem fær nemendur til að skoða kvenpersónur út frá feminískum hugtökum.
Verkefni í kynjafræði til að vekja fólk til umhugsunar um markaðssetningu á stelpu og stráka dóti.
Lýðræðisleg hæfni
Lýðræðisleg hæfni byggir á fjölmörgum eiginleikum einstaklinga sem hægt er að skipta niður í fjóra flokka; gildi, viðhorf, færni og þekking.
Verkefni sem fjalla um starfsval og vinnumarkaðinn
Margt er um að velja - markmiðið með námsefninu er að nemendur öðlist færni í að velja nám og störf og rökstyðja valið út frá aðstæðum sínum. Einnig að efla sjálfstæði og þekkingu nemenda á umhverfi sínu og áhugasviði.
Stefnan sett er kennsluefni með það að markmiði að nemendur fræðist um kynbundið náms- og starfsval og hvernig það hefur áhrif á jafnrétti kynjanna. Efni: Jafnrétti - Staðalímyndir - Kynhlutverk - Starfsval
Vinnumarkaður og stjórnmál - þrjú verkefni í kynjafræði sem tengjast vinnumarkaðinum og stjórnmálum. Með hverju verkefni fylgja tenglar þar sem nemandinn þarf að lesa sér til, svara spurningu og rökstyðja mál sitt. Efni: Jafnrétti - Staðalímyndir - Kynhlutverk
Miss representation
Heimildarmynd og verkefni sem taka á því hvernig fjallað er um konur í bandarískum fjölmiðlum og auglýsingum. Myndin sýnir hvernig má átta sig á ólíkum skilaboðum til kynjanna
Táknkerfi kynjanna
Hér er hægt að horfa á heimildamyndina 'The Gender Code'. Með henni fylgir verkefni sem hægt er að nota i í kynjafræðslu, jafnréttisfræðslu, félagsfræði og fleiru.
Verkefni úr Kompás, handbók um mannréttindi fyrir ungt fólk
Heimilisofbeldi - eitt af markmiðum þessa verkefnis er að efla samhug og kjark til að taka afstöðu gegn heimilisofbeldi. Efni: Jafnrétti - Mismunun - Kynjafræðsla - Ofbeldi
Kven- og karlhetjur - markmið verkefnisins er m.a. að greina á gagnrýnan hátt mikilvægi karl- og kvenhetja sem fyrirmynda.
Leiðin til jafnréttislands - eitt af markmiðum verkefnisins er að skapa skilning og viðurkenningu á jafnrétti kynjanna.
Vinna og börn - verkefnið tekur á mismunun kvenna á vinnustað en markmiðið er m.a. að auka skilning þátttakenda á mismunun og stuðla að jafnrétti og réttlæti.
Leikir
Hér má finna leiki sem henta vel til að efla sjálfsmynd nemenda hjálpa þeim að átta sig á styrkleikum sínum og annarra nemenda í bekknum.
