Kastali
Frístundaheimili
Húsaskóli við Dalhús 41
112 Reykjavík
Um Kastala
Frístundaheimilið er starfrækt fyrir börn í 1. – 4. bekk í Húsaskóla og er rekið af frístundamiðstöðinni Brúnni.
Leitast er eftir því að hafa starfið sem fjölbreyttast og skapa börnunum heimilislegt og öruggt umhverfi.
Forstöðukona er Erla Bára Ragnarsdóttir
Aðstoðarforstöðukona er Gunnhildur Einarsdóttir
Lengd viðvera
Á starfsdögum skóla, foreldraviðtalsdögum og í jóla- og páskaleyfi er opið allan daginn í Kastala frá klukkan 08:00 til 17:00 að undangenginni skráningu. Greitt er sérstaklega fyrir lengda viðveru á þessum dögum. Kastali er lokaður í vetrarleyfi skólans.
Dagleg starfsemi
Frístundaheimilið er starfrækt fyrir börn í 1. – 4. bekk. Það opnar eftir að hefðbundnum skóladegi lýkur og er opið til kl. 17:00. Mikil aðsókn er í frístundaheimilið hjá öllum árgöngum og er það okkar sérstaða hvað 4. bekkur er duglegur að mæta í Kastala. 1. og 2. bekkur er mikið í samstarfi í frjálsum leik og smiðjum. Starfið í 3. og 4. bekk er fjölbreyttara og mikið er lagt í skipulag starfsins fyrir elstu börnin. 4. bekkur t.d. setur upp leikrit á hverju ári, skipuleggur og fer í útskriftarferð í maí og fær mánaðardagskrá sem miðar af smiðjum og klúbbum, svipað og lítil félagsmiðstöð.
Hagnýtar upplýsingar
Frístundadagatal
Í frístundadagatali Kastala má finna hvenær eru heilir dagar, hvenær er lokað og ýmislegt fleira sem mikilvægt er að kynna sér.
Gjaldskrá
Hér getur þú nálgast gjaldskrá fyrir vetrar- og sumarstarf frístundaheimila ásamt upplýsingum um systkina afslátt og ýmislegt fleira.
Einelti í skóla- og frístundastarfi
Einelti og ofbeldi getur haft varanleg áhrif á sálarlíf barna og unglinga. Það á ekki að viðgangast í skóla- og frístundastarfi. Allir starfsstaðir barna og unglinga eru með áætlun gegn einelti. Foreldrar sem fá vísbendingar eða upplýsingar um einelti ættu að taka það alvarlega og tilkynna til viðkomandi aðila. Starfsstaðir skóla- og frístundasviðs Reykjavíkurborgar starfa eftir gátlista vegna eineltis sem unninn var í víðtæku samráði fagaðila.
Röskun á skóla- og frístundastarfi
Tilmæli eru um viðbrögð foreldra / forráðamanna barna í skólum og frístundastarfi. SHS hefur verið falið af sveitarfélögum á höfuðborgarsvæðinu að fylgjast með veðri og veðurspám og senda út tilkynningar ef á þarf að halda, eftir atvikum í samráði við lögreglu og fræðsluyfirvöld.
Myndir frá Kastala
Farsæld barna
Ný lög um samþætta þjónustu í þágu farsældar barna hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.
Upplýsingar um tengiliði farsældar fyrir börn í frístundaheimilinu Kastala má finna á heimasíðu Húsaskóla.