Kynfræðsla
Samkvæmt fræðslulögum eiga öll börn að fá kynfræðslu á öllum skólastigum. Hér getur þú skoðað efni, verkefni og fræðslu tengd kynfræðslu.
Kynfræðsla fyrir öll stig grunnskóla - Verkfærakistur
- Kynfræðsla - yngsta stig Hugmyndir að námsefni, kveikjum og kennsluleiðbeiningum auk annars fróðleiks.
- Kynfræðsla - miðstig Hugmyndir að námsefni, kveikjum og kennsluleiðbeiningum auk annars fróðleiks.
- Kynfræðsla - unglingastig Hugmyndir að námsefni, kveikjum og kennsluleiðbeiningum auk annars fróðleiks.
- Kynfræðsla - efni fyrir starfsfólk Hugmyndir að námsefni, kveikjum og kennsluleiðbeiningum auk annars fróðleiks.
Hvað er alhliða kynfræðsla?
Alhliða kynfræðsla snýst um að huga að sem flestum þáttum kynheilbrigðis; líkamlegum, félagslegum og tilfinningalegum þáttum. Með því að bjóða börnum og ungu fólki upp á alhliða kynfræðslu hjálpum við þeim að skilja sjálfan sig og taka ábyrgð á eigin kynheilbrigði og vellíðan. Við veitum þeim líka tækifæri til þess að eiga öruggt og gefandi kynferðislegt samband og hugsa í leiðinni um vellíðan annarra.
Mælt er með því að setja upp plan fyrir hvern árgang þar sem reynt er að snerta á öllum þemum og smám saman dýpkað þekkingu nemenda. Mikilvægt er að aðlaga kennsluna og kennsluefnið að þeim aldri sem unnið er með hverju sinni.
Þemu alhliða kynfræðslu
Klám er ekki kynfræðsla!
Vegna umfangs og aðgengis kláms er mikilvægt að börn og ungmenni fái fræðslu um skaðsemi þess og reynt sé að koma í veg fyrir eða bregðast við klámáhorfi þeirra.
Áhugi á og forvitni um kynlíf er eðlileg og heilbrigð, en mörg ungmenni á Íslandi fá sínar upplýsingar um kynlíf að mestu leyti úr klámi en ekki vandaðri kynfræðslu.
Mikill munur er þó á raunverulegu kynlífi og því sem sést í klámi, þar sem engin áhersla er lögð á samskipti og samþykki, mörk, öryggi og vellíðan. Klámneysla er því ógn við kynheilbrigði ungs fólks.
Vika6
Vika6 er sjötta vika ársins. Hún hefur fest sig í sessi sem árleg vika kynheilbrigðis í öllum grunnskólum og frístundamiðstöðvum. í Viku6 ættu öll börn og unglingar í borginni að fá kynfræðslu í einhverju formi. Hér má finna kynfræðslu fyrir öll stig grunnskóla.
