Ertu normal?

Hér er boðið upp á spennandi verkefni þar sem unglingar fá tækifæri til að velta fyrir sér þröngum ramma samfélagsins um hvað er að vera normal. Verkefnið felur í sér fræðslu á myndbandaformi og endar með ljósmyndasýningu á verkum þátttakenda í fallegu rými á Barnamenningarhátíð.

Um verkefnið

Hvað er að vera normal? Hver ákveður það? Er feitt fólk ekki kynþokkafullt? Má gamalt fólk fara í sleik? Eru hommar alltaf kvenlegir? Eru geðsjúkdómar hræðilegir? Þarf að vorkenna fólki með fötlun?

Verkefnið er ætlað 8.-10. bekk. Hver starfsstaður fær frelsi til að útfæra það á sinn hátt í góðu samráði við umsjónaraðila þess. Verkefnið er unnið að sænskri fyrirmynd en þar kallast það Normstorm. 

Hvað er í pakkanum?

  • Lán á vandaðri myndavél
  • Prentkostnaður á ljósmyndum
  • Þátttaka í sýningu með sýningarstjórnun
  • Ráðgjöf frá umsjónaraðilum 

Sjö rafræn erindi 

  • Eitt um staðalmyndir
  • Tvö um ljósmyndun
  • Eitt um viðburðarstjórnun
  • Þrjú erindi frá ungu íslensku fólki sem víkkar út þröngan ramma staðalmynda samfélagsins. 

Fyrirlesarar 

  • Embla Guðrúnar-Ágústsdóttir, ung líkamlega fötluð, samkynhneigð kona sem nýlega lauk háskólanámi og eignaðist sitt fyrsta barn.
  • Andrean Sigurgeirsson, ungur samkynhneigður maður sem starfar sem dansari. 
  • Tómas Welding, ungur maður með tourette sem er sjálfmenntaður tónlistarmaður og ljósmyndari. 
  • Kolbrún Hrund Sigurgeirsdóttir, verkefnastýra Jafnréttisskóla Reykjavíkur.
  • Harpa Rut Hilmarsdóttir, verkefnastýra Barnamenningarhátíðar.
  • Erla Stefánsdóttir, verkefnastýra hjá Mixtúru.

 

Fyrirlestrar