Höllin

Félagsmiðstöð fyrir 10–16 ára

Egilshöll
112 Reykjavík

695 5185
""

Um Höllina

Höllin er sértæk félagsmiðstöð sem þjónustar fötluð börn og unglinga sem eru í almennum grunnskólum í Grafarvogi, Grafarholti, Úlfarsárdal, Árbæ, Norðlingaholti, Kjalarnesi og Brúarskóla.

Skilyrði fyrir þátttöku má kynna sér nánar í 2. grein reglna um þjónustu félagsmiðstöðva Reykjavíkurborgar.

Hugmyndafræði Hallarinnar byggir á einstaklingsbundinni þjónustu þar sem unnið er með styrkleika hvers og eins og ávallt reynt að koma til móts við ólíkar þarfir og áhuga. Lögð er áhersla á að auka félagslega þátttöku og hvatt er til þátttöku í almennu félagsmiðstöðvastarfi.

Félagsmiðstöðin Höllin er starfrækt af frístundamiðstöðinni Brúnni og er staðsett í Egilshöll. 

Forstöðumaður er Elísa Pálsdóttir
Aðstoðarforstöðumaður er Pálmi Þór Ásbergsson

Myndir frá Höllinni

Hagnýtar upplýsingar

Einelti í skóla- og frístundastarfi

Einelti og ofbeldi getur haft varanleg áhrif á sálarlíf barna og unglinga. Það á ekki að viðgangast í skóla- og frístundastarfi. Allir starfsstaðir barna og unglinga eru með áætlun gegn einelti. Foreldrar sem fá vísbendingar eða upplýsingar um einelti ættu að taka það alvarlega og tilkynna til viðkomandi aðila. Starfsstaðir skóla- og frístundasviðs Reykjavíkurborgar starfa eftir gátlista vegna eineltis sem unninn var í víðtæku samráði fagaðila. 

Röskun á skóla- og frístundastarfi

Tilmæli eru um viðbrögð foreldra / forráðamanna barna í skólum og frístundastarfi. SHS hefur verið falið af sveitarfélögum á höfuðborgarsvæðinu að fylgjast með veðri og veðurspám og senda út tilkynningar ef á þarf að halda, eftir atvikum í samráði við lögreglu og fræðsluyfirvöld.

Farsæld barna

Ný lög um samþætta þjónustu í þágu farsældar barna  hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.

Upplýsingar um tengiliði farsældar fyrir börn í félagsmiðstöðinni Höllinni má finna á heimasíðum grunnskóla barnanna.