Hjólandi

Tilgangur göngu- og hjólastígakerfis Reykjavíkurborgar er að gera íbúum og gestum kleift að ferðast hjólandi eða gangandi um borgina á öruggan, skemmtilegan og vistvænan máta. Reykjavík stefnir á að verða hjólaborg á heimsmælikvarða. Þá er nauðsynlegt að fólk geti horft til hjóla sem fyrsta vals þegar kemur að ferðamáta.

Hjólreiðaáætlun

Hjól­reiða­áætlun Reykja­víkur­borgar er leiðar­vísir í eflingu hjól­reiða og uppbyggingu hjól­reiða­innviða. Aukin hlut­deild hjól­reiða er hag­kvæm, hefur góð áhrif á umhverfi, lýð­heilsu og lífs­gæði og skapar betri borg.

Markmið

Markmið Hjólreiðaáætlunarinnar er að auka hlutdeild hjólreiða í ferðum í borginni en stefnt er að því að að minnsta kosti 10% allra ferða í borginni verði farnar á hjóli árið 2025.

Framtíðarsýn

Í Hjólreiðaáætluninni er sett fram framtíðarsýn fyrir hjólaborgina Reykjavík með mælanlegum markmiðum til ársins 2025 og þeim framkvæmdum og aðgerðum sem stefnt er að á tímabilinu. Lagt er til að fjárfestingar í nýjum hjólreiðainnviðum í Reykjavík verði að lágmarki fimm milljarðar króna á tímabilinu. Áætlunin byggir á fjórum yfirmarkmiðum sem öll hafa mælanleg undirmarkmið.

Stígar

Heildarkort eru ekki lengur gefin út á pappírsformi en búið er að gera kort yfir litaðar lykilleiðir á höfuðborgarsvæðinu. Á áningarstöðum víðsvegar um borgina er líka búið að setja upp kort til að hjálpa vegfarendum að rata.

Rétt er að minna á að gangandi vegfarendur eru í forgangi á blönduðum stígum.

Snjóhreinsun

Þegar snjór fellur eða hálka myndast í Reykjavík er unnið samkvæmt viðbragðsáætlun vetrarþjónustu og snjóvaktir fer á stjá. Aðstæður eru vaktaðar reglubundið og mannskapur kallaður út eftir þörfum.