Atvinnumál og forvarnir

Markmið deildarinnar er að styrkja stöðu ungs fólks á vinnumarkaði og vinna að forvörnum ungs fólks í gegnum fjölbreytt verkefni. 

Deildin heldur meðal annars virkninámskeið og starfsleitarnámskeið með ýmsum útfærslum og býður upp á ókeypis atvinnuráðgjöf fyrir ungmenni á aldrinum 16-25 ára. Þar að auki er unnið að forvarnarstarfi, meðal annars í gegnum Jafningjafræðslu Hins Hússins ásamt skemmtilegu hópastarfi fyrir öll sem vilja kynnast nýju fólki.

Námskeiðið STYRKUR

STYRKUR er 6 vikna námskeið fyrir 16-20 ára ungmenni þar sem áhersla er lögð á líkamsrækt. Fyrir öll sem vilja kynnast nýju fólki. 

Námskeiðið hefst 20. október.

Meira um námskeiðið Styrkur
Teikning af fjórum manneskjum sem halda á og horfa í gegnum ramma.

Frístundanámskeið - Þú ert geitin í þínu lífi!

Hitt Húsið býður 16-20 ára ungmennum upp á 6 vikna frístundanámskeið í samvinnu við Minningarsjóð Egils Hrafns.

Á námskeiðinu fá þátttakendur tækifæri til að kynnast frístundum og tómstundum sem standa ungu fólki til boða í Reykjavík. Ásamt því verður áhersla lögð á sjálfsstyrkingu, markmiðasetningu og hópefli. 

Fyrirspurnir berist á netfangið jafningi@reykjavik.is. 

Næsta námskeið hefst febrúar 2027.

Teikning af kennara.

Umsókn um styrk úr Sumarliðasjóði

Sumarliðasjóður Reykjavíkurborgar veitir stuðning til íþrótta- og æskulýðsfélaga í borginni. Markmiðið er að fjölga sumarstörfum fyrir ungt fólk á aldrinum 17-25 ára og styðja við framkvæmd frístundanámskeiða fyrir börn yfir sumartímann á aldrinum 6-12 ára.

Athugið að umsóknarfrestur er frá 6. janúar til og með 30. janúar 2026.

Meira um Sumarliðasjóð Sækja um styrk úr Sumarliðasjóði
Teikning af tveimur konum að skrifa á blað.

Vinfús - vikulegir hittingar

Hitt Húsið heldur úti hópastarfi fyrir ungmenni á aldrinum 16-22 ára. Vinfús er fyrir öll ungmenni sem vilja kynnast öðrum ungmennum og þau sem hafa einangrast í skóla eða í öðrum félagslegum aðstæðum. 

Hittumst öll þriðjudagskvöld, borðum saman og höfum gaman! 

Sækja um Vinfús
Teikning af þremur manneskjum sem standa hlið við hlið.

Viltu panta tíma í atvinnuráðgjöf?

Atvinnuráðgjöf og atvinnuleitarnámskeið

Í Hinu Húsinu eru starfandi atvinnuráðgjafar og hægt er að panta tíma í ókeypis atvinnuráðgjöf, hvort sem er í Hinu Húsinu eða rafrænt.

Ungt fólk á atvinnuleysisskrá getur einnig sótt atvinnuleitarnámskeiðin Vítamín og Háskólavítamín.

Panta tíma í atvinnuráðgjöf

Jafningjafræðslan

Jafningjafræðslan er skipuð ungu fólki á aldrinum 16-20 ára sem fer og ræðir við annað ungt fólk um málefni sem snúa að ungu fólki svo sem sjálfsmynd, kynlíf, geðheilbrigði, vímuefni og fleira. Hugmyndafræðin er sú að ungt fólk nái á annan hátt til annars ungs fólks heldur en aðrir.

Meira um jafningjafræðsluna á facebook

Myndir af aðstöðunni í Hinu húsinu

Hitt húsið

Rafstöðvarvegur 7-9, 110 Reykjavík

 

  • Almenningssamgöngur
  • Leiðir 3, 11, 12 og 17 stoppa við Blesugróf þaðan sem gengið er á Rafstöðvarveg í gegnum Elliðaárdal. 
  • Leið 16 stoppar á Rafstöðvarvegi og þaðan er um 4 mínútna ganga í Hitt Húsið.

 

  • Opnunartími
    • Kl. 09:00-22:00 mánudaga til fimmtudaga
    • Kl. 09:00-20:00 á föstudögum
    • Lokað um helgar

 

Þú getur haft samband með því að hringja í síma 411 5500 eða með því að senda tölvupóst á netfangið hitthusid@hitthusid.is.