Hagnýtar upplýsingar fyrir stjórnendur

Teikning af manneskju sem heldur á nýuppteknu káli.

Ýmsar hagnýtar upplýsingar fyrir stjórnendur varðandi ráðningar á starfsfólki með fötlun

Vinnumálastofnun

Vinnumálastofnun býður upp á ráðgjöf vegna skertrar starfsgetu fyrir bæði öryrkja og aðra atvinnuleitendur. Þjónustan sem er veitt er tvískipt og fer hún eftir þjónustuþörf hvers og eins.  Þjónustan er annars vegar sérhæfð ráðgjöf og stuðning við atvinnuleit og hins vegar atvinna með stuðningi (AMS) sem felst í aðstoða við atvinnuleitina, stuðning og eftirfylgni á vinnustað.

Þá er einnig hægt að gera samning við vinnumálastofnun um ráðningu atvinnuleitanda sem telst tryggður innan atvinnuleysistryggingakerfisins, til að starfa við sérstök tímabundin átaksverkefni sem eru umfram lögbundin og venjuleg umsvif hlutaðeigandi fyrirtækis, stofnunar eða félagasamtaka.

Atvinna með stuðningi (AMS)

Atvinna með stuðningi er árangursrík leið í fyrir þá sem þurfa aðstoð við að fá vinnu á almennum vinnumarkaði. Atvinna með stuðningi býður uppá víðtækan stuðning við þá sem hafa skerta vinnugetu vegna andlegrar og/eða líkamlegrar fötlunar. 

Aðstoðað er við að finna rétta starfið og veita stuðning á nýjum vinnustað.

Stuðningur sem AMS veitir til vinnustaðar

Lögð er áhersla á góða samvinnu við atvinnurekendur. AMS aðstoðar við að mynda tengsl á vinnustað og byggir upp stuðningsnet á vinnustaðnum. Stuðningur er veittur svo lengi sem þörf er á en síðan er markvisst dregið úr stuðningi. Vinnuveitandi og starfsmaður hafa þó áfram aðgang að ráðgjafa eftir þörfum. AMS er umsjónaraðili vinnusamnings öryrkja.

Vinnusamningur öryrkja

Vinnusamningur öryrkja er endurgreiðslusamningur við atvinnurekendur sem hafa ráðið starfsfólk með skerta starfsgetu til starfa.  

Markmið og hlutverk vinnusamnings öryrkja er að auka möguleika atvinnuleitenda með skerta starfsgetu til að ráða sig í vinnu á almennum atvinnumarkaði.

Ráðningar með vinnusamningi öryrkja á starfsstöðum Reykjavíkurborgar

Svona er ferillinn:

  1. Starfsstöð er með starfsmann með skerta starfsgetu eða hefur áhuga á að fá starfsmann til sín með skerta starfsgetu
  2. Hefur samband við Vinnumálastofnun eða okkur ef starfsstöð er ekki með starfsmann nú þegar.
  3. Fyllir út upplýsingar fyrir vinnusamning og hefur starfsmann mannauðs- og starfsumhverfissviðs í cc í tölvupósti
  4. Mannauðs- og starfsumhverfissvið samþykkir samning inni í gátt
  5. Endurgreiðsluferli hefst
  6. Greitt til starfsstöðvar ársfjórðungslega

Mikilvægt er að allir launaliðir komi fram í vinnusamning þegar sótt er um:

  • Yfirvinna, álagsgreiðslur, neysluhlé, styrkir o.fl.
Teikninga af fjallstindi

Hafa samband

Hafðu samband við mannauðs- og starfsumhverfissvið vegna ráðninga á starfsfólki með fötlun:

Sjónstöðin

Sjónstöðin er þjónustu- og þekkingarmiðstöð fyrir blinda, sjónskerta og einstaklinga með samþætta sjón- og heyrnarskerðingu. 

Sjónstöðin veitir ráðgjöf til vinnustaða, búsetukjarna, félagsþjónustu og annara sem koma að þjónustu við sjónskerta og blinda einstaklinga. Öll ráðgjöf er einstaklingsmiðuð og í samráði við einstaklinginn.

Akstursþjónusta fyrir fatlað fólk

 

Fatlað fólk sem getur ekki nýtt sér almenningssamgöngur eða eigið farartæki getur átt rétt á akstursþjónustu. Markmið þjónustunnar er að fólk geti farið ferða sinna á þeim tíma sem það kýs. 

Pant sér um akstursþjónustu fyrir fatlað fólk. 

Meira um akstursþjónustu fatlaðs fólks
Frístundir

Samráðshópur um málefni fatlaðs fólks í Reykjavík

Hægt er að leita til samráðshópsins þegar þörf er á ráðgjöf og leiðbeiningum vegna þjónustu við fatlað fólk eða þegar þörf er á að bæta aðgengi t.d. vegna starfsfólks eða þjónustunotenda sem þurfa á bættu aðgengi að halda.

Þegar mannréttindaráð Reykjavíkurborgar fjallar um málefni fatlaðs fólks eiga eftirtaldir fulltrúar jafnframt sæti í ráðinu fyrir hönd samráðshópsins: ÖBÍ réttindasamtök, Þroskahjálp tilnefnir tvo fulltrúa og NPA miðstöðin. 

Teikning af fimm manneskjum að spjalla.

Réttindagæslumenn fatlaðs fólks í Reykjavík

Opið er 9-16 alla virka daga. Utan þess er hægt að lesa inn skilaboð. Einnig er hægt að senda tölvupóst.