Samþykktar kennslulausnir

Vanda þarf val og notkun á hugbúnaði fyrir skólastarf til að tryggja öryggi nemenda og gagna þeirra. 

Áður en stafræn tækni er tekin í notkun í skóla- og frístundastarfi fer fram viðamikið greiningarferli sem felur í sér meðal annars áhættumat, vinnslusamninga, mat á áhrifum á persónuvernd. Skólastjóri ber ábyrgð á notkun upplýsingatækni í sínum skóla og ber að fræða foreldra um samþykkta notkun kennslulausnar. 

 

 

 

Viðamikið greiningarferli

Hjá Reykjavíkurborg er unnið samkvæmt ákveðnu verklagi og er hugbúnaður meðal annars metinn út frá:

 

  • Aldurstakmarki
  • Söfnun persónuupplýsinga
  • Hvort gögn eru vistuð innan eða utan Evrópu
  • Hvort auglýsingar eru tengdar notkun
  • Hvort hugbúnaðurinn safnar lýsigögnum og annálagögnum
  • Hvort hugbúnaðurinn býr til persónusnið sem nýtt er í markaðstilgangi
  • Hvernig gögnum og aðgöngum er eytt við lok náms eða þegar hætt er að nota hugbúnaðinn
  • Að hugbúnaðurinn standist kröfur um upplýsingaöryggi t.d. reglulegar uppfærslur