Fókus

Um Fókus

Fókus er regnbogavottuð félagsmiðstöð og fögnum við fjölbreytileikanum. Boðið er upp á ýmsa klúbb og smiðjur svo sem Sportó (íþróttaopnun), Bellanet (byggir og eflir sjálfstraust stelpna), D&D-klúbb (spilaklúbbur) og Listasmiðjuklúbb (opinn klúbbur fyrir öll sem vilja tjá sig listrænt). Við förum einnig í ferðir með unglingunum og er skíðaferðin sú stærsta. Einnig er farið í 8.bekkjarferð á haustin, í byrjun hvers skólaárs. Að auki er boðið upp á gistinótt en þá fá unglingar að gista í félagsmiðstöðinni og er það alltaf jafn spennandi.

Félagsmiðstöðin Fókus tilheyrir Brúnni frístundamiðstöð. Markhópurinn er börn og unglingar í 5.-10.bekk í Ingunnarskóla.

Forstöðukona er Berglind Ragnarsdóttir 

Aðstoðarforstöðukona er Valentína Tinganelli

Farsæld barna

Ný lög um samþætta þjónustu í þágu farsældar barna  hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.

Upplýsingar um tengiliði farsældar fyrir börn í félagsmiðstöðinni Fókus má finna á heimasíðu Ingunnarskóla.

• Meira um farsæld barna í Reykjavík
• Nánari upplýsingar um lögin og þjónustuna á landsvísu