Fókus

Félagsmiðstöð fyrir 10–16 ára

Ingunnarskóli, Maríubaug 1
113 Reykjavík

664 7623 Fókus á Instagram
Entrance to the Fókus youth center in Grafarholt

Um Fókus

Félagsmiðstöðin Fókus er opin börnum og unglingum í 5.-10.bekk í Ingunnarskóla.

Fókus er regnbogavottuð félagsmiðstöð og fagnar fjölbreytileikanum.

Félagsmiðstöðin er staðsett inni í tónlistarstofu Ingunnarskóla og samnýtir jafnframt aðstöðu skólans, eins og íþróttasal og heimilisfræðistofu.Í félagsmiðstöðinni er hlaðvarps og stúdíó aðstaða og boðið er upp á ýmsa klúbba og smiðjur. Starfandi er Fókusráð sem samanstendur af unglingum úr 8., 9. og 10.bekk. Þau eru rödd bekkjarfélaga sinna og skipuleggja dagskrá félagsmiðstöðvarinnar og stærri viðburði eins og félagsmiðstöðvardaginn og böll. Farið er í ferðir með unglingunum og er skíðaferðin sú stærsta. Að auki er boðið upp á gistinótt fyrir 10.bekk en þá fá þau að gista í félagsmiðstöðinni og er það alltaf jafn spennandi.

Forstöðukona er Berglind Ragnarsdóttir 

Aðstoðarforstöðukona er Valentína Tinganelli

Opnunartímar

10-12 ára

Þriðjudaga kl 14:00-15:30

Miðvikudaga kl 14:00-15:30

Fimmtudaga kl: 14:00-15:30

8.-10. bekkur:

Mánudagar 13:30 -17:30

Mánudags- og miðvikudagskvöld: 19:30-22:00.

Föstudagskvöld: 19:30-22:30.

Teikning af fjórum unglingum.

Hagnýtar upplýsingar

Einelti í skóla- og frístundastarfi

Einelti og ofbeldi getur haft varanleg áhrif á sálarlíf barna og unglinga. Það á ekki að viðgangast í skóla- og frístundastarfi. Allir starfsstaðir barna og unglinga eru með áætlun gegn einelti. Foreldrar sem fá vísbendingar eða upplýsingar um einelti ættu að taka það alvarlega og tilkynna til viðkomandi aðila. Starfsstaðir skóla- og frístundasviðs Reykjavíkurborgar starfa eftir gátlista vegna eineltis sem unninn var í víðtæku samráði fagaðila. 

Röskun á skóla- og frístundastarfi

Tilmæli eru um viðbrögð foreldra / forráðamanna barna í skólum og frístundastarfi. SHS hefur verið falið af sveitarfélögum á höfuðborgarsvæðinu að fylgjast með veðri og veðurspám og senda út tilkynningar ef á þarf að halda, eftir atvikum í samráði við lögreglu og fræðsluyfirvöld.

Sumaropnanir

Mánudagar: 19:30 - 22:30

Miðvikudagar: 19:30 - 22:30

Föstudagar: 19:30 - 22:30 - sameiginlegt

 

Félagsmiðstöðvarnar sameinast stundum um opnanir á sumrin og því mikilvægt að fylgjast vel með staðsetningu opnanna á samfélagsmiðlum eða Abler. Upplýsingar um staðsetningu sumarstarfs fyrir 10-12 ára börn kemur fram í auglýsingum og tölvupóstum til foreldra og hægt er að skrá þau í smiðjur á Abler.

Teikning af tveim börnum á grunnskólaaldri.

Myndir frá Fókus

Farsæld barna

Ný lög um samþætta þjónustu í þágu farsældar barna  hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.

Upplýsingar um tengiliði farsældar fyrir börn í félagsmiðstöðinni Fókus má finna á heimasíðu Ingunnarskóla.