Björn Gíslason

Borgarfulltrúi
Sjálfstæðis­flokkurinn
Fjárhagslegir hagsmunir
Fulltrúi
Íbúaráð Árbæjar og Norðlingaholts Innkaupa- og framkvæmdaráð Stafrænt ráð
Varafulltrúi
Umhverfis- og skipulagsráð Stjórn Orkuveitu Reykjavíkur
Björn Gíslason

Um Björn

Björn fæddist í Hafnarfirði 5. apríl 1955, sonur Kristínar S. Björnsdóttur kennara og Gísla T. Guðmundssonar póstmanns. Eldri systkin Björns eru Kristín og Örn. Björn ólst upp í Vogahverfinu í Reykjavík og stundaði nám í Vogaskóla. Hann stundaði íþróttir af kappi á sínum yngri árum og spilaði handbolta með Fram.
 
Björn er kvæntur Karólínu Gunnarsdóttur og eiga þau þrjú börn.

Nám og störf

Hóf nám í húsgagnasmíði 1974 hjá Emil Hjartarsyni í Trésmiðjunni Meið. Fékk meistararéttindi 1982.

Hóf störf hjá Slökkviliði Reykjavíkur árið 1981 og varð þar varðstjóri og síðar sviðsstjóri. Hjá slökkviliðinu sótti Björn margvísleg námskeið og sinnti fjölbreyttum störfum, meðal annars við kennslu, forvarnir og stjórnun á sviði almannavarna.



Var framkvæmdastjóri SHS fasteigna ehf. frá 2001. SHS fasteignir eru dótturfélag Slökkviliðs höfuðborgarsvæðisins (SHS). Félagið stóð meðal annars að byggingu Björgunarmiðstöðvarinnar Skógarhlíðar þar sem allir lykilaðilar í björgunarstörfum á Íslandi starfa.

Félags- og trúnaðarstörf

2001-(nú) Sæti í stjórn Íþróttafélagsins Fylkis

Átti sæti í stjórn Sjúkraflutningaskólans og í skólaráði Brunamálaskólans

1994-1998 Í sjúkraflutningaráði landlæknis

1994-1997 Formaður Landssambands sjúkraflutningamanna

1987-1989 Í stjórn Landssambands slökkviliðsmanna

 Í stjórn Brunavarðafélags Reykjavíkur í sex ár, lengst af sem varaformaður

Stjórnmálastörf

1997-(nú) Formaður Félags sjálfstæðismanna í Árbæ, Selási, Ártúns- og Norðlingaholti

1997-(nú) Í stjórn Varðar, fulltrúaráðs Sjálfstæðisfélaganna í Reykjavík

Kosinn varaborgarfulltrúi fyrir Sjálfstæðisflokkinn 2006

Sat í kjörnefnd Sjálfstæðisflokksins í Reykjavík fyrir alþingiskosningarnar 2003