Gjaldskylda

Teikning af persónu sem les blaðið og hjólar á hundrað krónu peningi..

Það kostar ekki alltaf það sama að leggja bílnum. Í Reykjavík eru fjögur mismunandi gjaldsvæði og verðlagning og gjaldskyldutími mismunandi. Svæðin eru P1, P2, P3 og P4. Hægt er að greiða í stöðumæla eða skrá bifreið í greiðsluapp að eigin vali til að greiða fyrir stæðið. 

Kort af gjaldsvæðum

Hvað kostar að leggja bílnum?

P1 

  • 630 krónur á klukkustund.
  • 9–21 virka daga og 10–21 laugardaga og sunnudaga
  • Hámarkstími er 3 klst.

P2

  • 230 krónur á klukkustund.
  • 9–21 virka daga og 10–21 laugardaga og sunnudaga

P3

  • 230 krónur á klukkustund fyrstu tvær klukkustundirnar. Eftir það 70 krónur.
  • 9–18 virka daga 

P4

  • 230 krónur á klukkustund.
  • 8–16 virka daga.

Bílastæðakort

Bílastæðakort fyrir deilibíla

Reglurnar gilda fyrir deilibílaleigur sem starfrækja einnar ferðar deilibíla. 

Bílastæðakort fyrir rekstaraðila

Bílastæðakort fyrir rekstaraðila er fyrir aðila sem stunda rekstur skv. atvinnugreinaflokkun ÍSAT nr 47 eða 56 að ákveðnum skilyrðum uppfylltum.

Er gjaldskylda á lögbundnum frídögum?

Ekki er gjaldskylda á eftirfarandi dögum:

nýársdagur, skírdagur, föstudagurinn langi, páskadagur, annar í páskum, sumardagurinn fyrsti, 1. maí, uppstigningardagur, hvítasunnudagur, annar í hvítasunnu, 17. júní, frídagur verslunarmanna, jóladagur, annar í jólum.

Gjaldsvæðin í borginni

Eftirfarandi reglur gilda um gjaldsvæðin í borginni:

  • Miðar keyptir á gjaldsvæði 1 gilda á öllum gjaldsvæðum
  • Miðar keyptir á gjaldsvæði 2 gilda á gjaldsvæðum 2, 3 og 4
  • Miðar keyptir á gjaldsvæði 3 gilda einungis á gjaldsvæði 3
  • Miðar keyptir á gjaldsvæði 4 gilda einungis á gjaldsvæði 4
  • Íbúakort gildir ekki á gjaldsvæðum eitt (rautt) og fjögur (appelsínugult).
Kortið hér að neðan sýnir gróflega skiptingu gjaldsvæða í borginni. Ef kortinu og merkingum á mælum ber ekki saman eru það merkingar á mælunum sem gilda. Einnig ef það eru tímabundnar lokanir á stæðum vegna göngugatna, sumargatna, framkvæmda og fleira, þá eru það umferðarmerkingar á staðnum sem gilda.

Skýringar á litamerkingum á korti:

  • Rautt - Gjaldsvæði 1
  • Ljósrautt - Gjaldsvæði 1 (íbúakort gilda)
  • Blátt - Gjaldsvæði 2
  • Grænt - Gjaldsvæði 3
  • Appelsínugult - Gjaldsvæði 4

Greiðsluleiðir

Þú getur bæði borgað í stöðumælum með mynt, korti og símum og með rafrænum greiðsluleiðum (öppum). Í nokkrum stöðumælum er ekki hægt að greiða með mynt en þá vísað á næsta stöðumæli á sama gjaldsvæði. Einnig er hægt að greiða fyrir gjaldskyld bílastæði á heimasíðu Bílastæðasjóðs.

Meira um rafrænar greiðsluleiðir (öpp) Meira um stöðumæla
Teikning af börnum skrifa á sofandi hund.

Bílastæði fyrir hreyfihamlað fólk

Fólk með skerta hreyfigetu sem á erfitt með að komast til og frá almennum bílastæðum getur átt rétt á stæðiskorti.

 

Með stæðiskorti er hægt að leggja í sérmerkt stæði fyrir hreyfihamlaða og leggja án endurgjalds í gjaldskyld útistæði, auk þess sem það gefur heimild til að leggja án endurgjalds í bílahús á vegum Reykjavíkurborgar.

Meira um bílastæði fyrir hreyfihamlað fólk
Teikning af bíl. Út um rúðuna er hönd sem heldur á ís og kringum bílinn eru nótur.