Bílastæði fyrir hreyfihamlað fólk
Fólk með skerta hreyfigetu getur átt rétt á stæðiskorti, P-merki, til þess að leggja í sérmerkt stæði. Með stæðiskorti er hægt að leggja í sérmerkt stæði fyrir hreyfihamlaða og leggja án endurgjalds í gjaldskyld útistæði og bílahús á vegum Reykjavíkurborgar.
Hvernig sæki ég um stæðiskort?
Bílastæði með þessu merki kallast P-stæði. Þau eru eingöngu ætluð fyrir handhafa stæðiskorta sem sótt er um á island.is. Byrjað er á að útvega læknisvottorð sem læknir skilar inn rafrænt til sýslumanns. Síðan þarf að segja til um hvort sækja eigi kortið á valda skrifstofu sýslumanns eða fá það sent heim.
Ég hef ekki rafræn skilríki
- Ef þú ert ekki með rafræn skilríki getur þú sótt umsókn um stæðiskort á pdf formi. Athugið að læknisvottorð þarf að liggja fyrir áður en umsókn er send inn.
- Hægt er að sækja um rafræn skilríki á þjónustustöðum Auðkennis.
Á ég rétt á sérmerktu stæði við húsið mitt?
Ef þú ert með lögheimili í Reykjavík og býrð við langvarandi hreyfihömlun sem er metinn í þörf fyrir sérmerkt stæði.
P-kort hreyfihamlaðra í bílahúsum
- Handhafar stæðiskorta hreyfihamlaðra býðst nú að skrá sína bifreið til lengri tíma í bílahús Reykjavíkur. Ef bifreið er skráð og hlið opnast þá er óþarfi að hringja inn í hvert skipti.
-
Forgangur er í húsin fyrir þann fjölda sem jafngildir P merktum stæðum í bílahúsinu en ef þau stæði eru full geta þeir sem eru með stæðiskort lagt gjaldfrjálst í önnur bílastæði að því gefnu að séu laus skammtímastæði í bílahúsinu.
Regluleg notkun bílahúsa:
Senda póst á bilahus@reykjavik.is
Taka skal fram eftirfarandi:
- Bílnúmer, númer korts og gildistíma stæðiskorts.
-
Nafn á bílahúsi og taka fram ef um fleiri en eitt bílahús er að ræða.
P-kortið þarf að vera vel sýnilegt á mælaborði við eftirlit.
Skráning gildir í ár eða í samræmi við gildistíma korts.
Lítil notkun bílahúsa:
Hringja í síma 4113403 þegar búið er að leggja.
Tilkynna að um sé að ræða P-kort og gefa upp bílnúmer.
P-kortið þarf að vera vel sýnilegt á mælaborði við eftirlit.
Skráning gildir í eitt skipti.
