Gjöld og niðurgreiðslur

Leikskólagjöld eru innheimt fyrirfram með kröfu í netbanka. Gjalddagi leikskólagjalda er 1. hvers mánaðar og eindagi 30 dögum síðar. Reykjavíkurborg niðurgreiðir hluta leikskólagjalda en annað er greitt samkvæmt gjaldskrá.

Gjaldskrá breyttist 1. apríl 2026.  Þú getur skoðað hvaða áhrif breytingarnar hafa á þín leikskólagjöld í reiknivél fyrir nýju gjaldskrána. Tekið er mið af heildartekjum heimilis á ári. Afsláttur fyrir starfsfólk og systkini er enn í gildi.

Hvað kostar að vera í leikskóla?

Ný gjaldskrá tekur gildi 1. apríl 2026. Ekki er greitt námsgjald fyrir vistun sem 36 tímar á viku eða skemur þá er einungis greitt fæðisgjald.

Meðaltal dvalarstunda á dag Dvalarstundir á viku Dvalargjald  
4 - 7,2 klst. 20 - 36 stundir 0  
7,3 - 7,6 klst. 36,1 - 38 stundir 1.750 pr. hvern hálftíma
7,7 - 8 klst. 38,1 - 40 stundir 2.750 pr. hvern hálftíma
8,1 - 8,5 klst. 40,1 - 42,5 stundir 4.000 pr. hvern hálftíma
Fæðisgjald helst óbreytt - 15.290 fyrir fullt fæði

Gjaldskrá leikskóla

Eru einhverjir afslættir?

Gjaldskrá tekur mið af tekjum forsjáraðila og miðast við heildartekjur á ári samkvæmt skattframtali. Starfsfólks- og systkinaafslættir eru áfram í gildi. 

Einstæðir foreldrar

  • 75% afsláttur – árstekjur undir 8 milljónum króna
  • 50% afsláttur – árstekjur 8–13 milljónir króna
  • 40% afsláttur – árstekjur yfir 13 milljónum króna

Hjón og sambúðarfólk

  • 40% afsláttur – árstekjur undir 11 milljónum króna
  • 20% afsláttur – árstekjur 11–18 milljónir króna

Afsláttur af leikskólagjaldi

Þarf að borga leikskólagjöld þegar leikskólinn er lokaður?

Leikskólagjöld greiðast ellefu mánuði á ári. Ef leikskóla barns þíns er einhverra hluta vegna lokað í lengri tíma eru leikskólagjöld ekki innheimt fyrir þann tíma. 

Þarf að greiða fyrir skráningardaga?

Gjald fyrir hvern skráningardag er 5.000 kr.
Skráning fer fram dagana 10. til 20. september fyrir skráningardaga á haustönn
Skráning fer fram dagana 10. til 20. janúar fyrir skráningradaga á vorönn

Afsláttur af gjaldi skráningardaga fyrir systkini er 50% fyrir yngra systkini og 100% fyrir þriðja barn.

Hver geta fengið afslátt af leikskólagjöldum?

Afslættir af námsgjaldi eru fyrir einstæða foreldra með tekjur undir allt að 13 m.kr. og fyrir hjón eða sambúðarfólk með tekjur allt að 18 m.kr.

Systkinaafsláttur reiknast sjálfkrafa fyrir börn sem eiga sama lögheimili. 

Starfsfólk leikskóla borgarinnar í að minnsta kosti 50% starfi á rétt á 50% afslætti af námsgjaldi.

Einnig er veittur afsláttur vegna veikinda barns.

Sótt er um afslátt á umsokn.vala.is og hér er myndband með leiðbeiningum

Afslátturinn á einnig við um sjálfstætt starfandi leikskóla.

Meira um afslátt af leikskólagjaldi
Teikning af barni að reikna dæmi á hundinn sinn og ungabarn fylgist með.

Hvað gerist ef ég greiði ekki leikskólagjöldin?

Ef leikskólagjöld eru ekki greidd fer af stað innheimtuferli vegna vanskila og barn gæti átt á hættu að missa leikskólaplássið.

Leikskólagjöld ógreidd

10 dögum eftir eindaga: Greiðandi fær sent ítrekunarbréf.
50 dögum eftir gjalddaga: Krafan færð í milliinnheimtu. Þegar krafa hefur verið send innheimtufyrirtæki er hægt að semja um skuldina þar.
120 dögum eftir gjalddaga: Krafa færð í löginnheimtu.

Ef greitt er eftir eindaga þarf greiðandi líka að borga dráttarvexti af leikskólagjöldunum. Kostnaður vegna útsendingu ítrekunarbréfa og innheimtu fellur einnig á greiðanda.

Hvenær má Reykjavíkurborg segja upp dvalarsamningi barns?

Reykjavíkurborg hefur leyfi til þess að segja upp dvalarsamningi barna ef leikskólagjöld hafa ekki verið greidd 110 dögum frá gjalddaga. Skuldin þarf ekki að vera vegna viðkomandi barns, svo lengi sem krafan uppfyllir framangreint 110 daga skilyrði. Uppsögn miðast við mánaðamót og er uppsagnarfrestur einn mánuður.

Ef barn sem er byrjað í leikskóla nýtir ekki leikskólaplássið í tvo mánuði án skýringa er heimilt að segja upp dvalarsamningi barnsins. Uppsögn miðast við 1. eða 15. hvers mánaðar og er uppsagnarfrestur einn mánuður.

Viltu frekar fá greiðsluseðil?

Ef þú vilt frekar fá sendan greiðsluseðil getur þú haft samband við þjónustuver Reykjavíkurborgar í Borgartúni 12-14, í síma 411 1111, á netspjalli og í gegnum netfangið upplysingar@reykjavik.is.

Getum við aðstoðað?

Þarftu frekari aðstoð eða fannstu ekki það sem þú varst að leita að? Þjónustuver borgarinnar getur aðstoðað þig í síma 411 1111, á netspjalli og í gegnum netfangið innritun.leikskolar@reykjavik.is.