Kynfræðsla - efni fyrir starfsfólk

""

Hugmyndir að námsefni, kveikjum og kennsluleiðbeiningum auk annars fróðleiks fyrir starfsfólk grunnskóla og frístundamiðstöðva.

Fræðsla

Hér er verkfærakista sem inniheldur fræðslu, ritgerðir, kannanir og skýrslur sem hægt er að notast við í kynfræðslu í grunnskóla. 

Teikning sem lýsir notendamiðaðri þjónustu.

Myndbönd og vefsíður

Hér er verkfærakista sem inniheldur myndbönd, vefsíður, sjónvarpsþætti, teiknimyndir og hlaðvörp sem hægt er að notast við í kynfræðslu á grunnskólastigi.

Teikning af krökkum að raða verkefnum á fartölvuskjá.

Bækur og bæklingar sem nýtast vel í kynfræðslu

Kynferðislega hegðun barna/hvað er eðlilegt? er bæklingur sem hugsaður er fyrir foreldra og starfsfólk til að greina á milli eðlilegrar kynferðislegrar hegðunar barna og óeðlilegrar. Í bæklingnum eru atriði sem vert er að hafa í huga þegar kemur að því að fylgjast með kynferðislegri hegðun barna á leikskólaaldri og til tíu ára aldurs. Útgefandi: Barnahús

Upplýsingabæklingur frá Stígamótum - um kynferðisofbeldi og þjónustu Stígamóta á fjölmörgum tungumálum.

Mælt er með því að bjóða upp á fjölbreyttar kennsluaðferðir

  • Hópavinna/kynningar
  • Nota post it miða til dæmis í hugmyndavinnu.
  • Glærukynningar
  • Slido.com eða menti.com - hægt er að setja inn nafnlausar spurningar, orðaský og fleira.
  • Nýta tímarit, kvikmyndir, þætti og
    samfélagsmiðla - ræða til dæmis um pressuna í fjölmiðlum um að allir séu alltaf sexý, alltaf til í allt og allt sé svo frábært, óraunhæft og jafnvel skaðlegt.
  • Myndbönd / sýna myndbönd / leyfa nemendum að
    útbúa myndbönd
  • Teikningar - láta nemendur teikna, sauma út, smíða eða
    leira kynfæri. Leggja áherslu á að útlit kynfæra er mjög fjölbreytt.
  • Leyfa nemendum að útbúa efni á vef - til dæmis spurningar og svör eða skrifa stuttar greinar, blogg eða annað. 
  • Hafa hugmyndakassa / spurningakassa
  • Hafa orða  / hugtakakrukku, útskýra vel grunnhugtök og orð. Hægt er að láta nemendur draga úr krukku. Dæmi um orð gætu verið: samfarir, forleikur, gælur, sjálfsfróun, nánd. Í kjölfarið geta þau leitað sér upplýsinga, ræða saman og útskýra svo fyrir hinum eða skrifa niður og hengja upp á vegg.
  • Leyfa nemendum að búa til bæklinga, vefsíðu eða podcast.
  • Rökræður - velja viðfangsefni og skiptast á skoðunum um það til dæmis varðandi kynfærahár, klámáhorf eða smokkanotkun.
  • Taka viðtöl til dæmis við foreldra eða ömmu og afa um fyrstu ástina eða ástarsorgina, um kynþroskann, um kynfræðsluna sem þau fengu á sínum tíma. 
  • Fara í leiki
  • „kaffihúsaspjall“ – tabútímar. Hér er hægt að hafa nafnlausar spurningar.
  • Vinna með klípusögur
  • Kynna ýmiskonar verkefni og átök t.d. #VikaSex og Sjúk ást.
  • Kynna vel úrræði svo sem 112, kvensjúkdómalækna, Húð- og kynsjúkdómadeild, heilsugæslu, Hjálparsíma Rauða krossins, neyðarmóttöku fyrir þolendur kynferðisofbeldis í Fossvogi, Stígamót (er fyrir 18 ára og eldri en yngra fólk getur nýtt sér netaðstoð þeirra), Barnavernd og fleira.