Kynfræðsla - yngsta stig

Hér má finna námsefni og kveikjur í kynfræðslu fyrir yngsta stig grunnskóla og frístundamiðstöðva. 

Vefsíður

Kynfræðsluvefur Hilju er frábær heimasíða þar sem finna má kennsluhugmyndir um öll viðfangsefni alhliða kynfræðslu. Á vefnum má finna efni fyrir öll aldursstig grunnskóla.

Líkamsvirðing fyrir börn er vefur um líkamsvirðingu sem hentar yngsta- og miðstigi

Kynþroski stúlkna er heimasíða sem hjúkrunarfræðingar halda úti og inniheldur ýmislegt sem tengist kynheilbrigði

 

Fræðsla

Að tala við börn um klám - í þessum leiðbeiningum má finna ráðleggingar til starfsmanna í skóla- og frístundastarfi og foreldra um hvernig hægt er að ræða um klám við börn á yngsta stigi.

Hér er kennsluhugmynd sem nýtist vel til að rýna í samskiptin í bekknum/hópnum. Góð samskipti eru afar mikilvæg og þegar kemur að kynheilbrigði skipta samskipti öllu máli. Það er því gott að nota hvert tækifæri til að efla og styðja við góð samskipti. 

Halló heimur - Vinátta Að kunna að rækta og eiga góð sambönd er mikilvæg færni. Að ræða við börn um vináttuna og rýna í hvað einkennir góða vináttu er dýrmætur grunnur að öllum frekari samböndum framtíðarinnar.

 

Kroppurinn er kraftaverk

Þessi bók kennir börnum um líkamsvirðingu, að þykja vænt um líkama sinn, hugsa vel um hann og bera virðingu fyrir líkömum annarra.

Sjá meira um kroppinn sem kraftaverk

Kraftaverkið ég – Kynfræðsla fyrir yngsta stig

Þetta flotta kennsluefni í kynfræðslu er var búið til af Rut Ingvarsdóttur sem hluti af meistaraverkefni hennar í menntunarfræðum við kennaradeild Háskólans á Akureyri. Efnið skiptist í þrjá hluta, fræðilega greinargerð, kennsluleiðbeiningar og námsbók í kynfræðslu fyrir 5-8 ára nemendur og má finna allt þetta efni hér fyrir neðan.

Sjá meira um kraftaverkið mig

Myndbönd

Teiknimyndir með hinsegin ívafi - þrjár stuttar teiknimyndir með hinsegin söguhetjum. Myndirnar geta verið kveikjur að umræðum um hinsegin málefni, tilfinningar og ást. Í ævintýrinu um Rósalín er einnig uppbrot á staðalmyndum þar sem prinsessan er sterk og sjálfstæð og þarfnast ekki utanaðkomandi aðstoðar.

Segðu frá! - er stuttmynd sem fjallar um hversu mikilvægt það er að segja frá kynferðisofbeldi.
Myndin er til á fjölda tungumála. Útgefandi er Evrópuráðið

Leyndarmálið – Segjum nei, segjum frá! - er forvarnarfræðsla um kynferðislega misnotkun og réttindi barna. Hér er um að ræða teiknimynd sem upplýsir börn um kynferðislegt ofbeldi og hvernig hægt er að bregðast við slíkri ógn. Stuðningsefni fyrir kennara fylgir þessu kennsluefni. Útgefandi er samtökin Réttindi barna

Kynhyrningurinn og kynjakakan

Hér eru myndir með útskýringum á hugtökunum kynhneigð, kyntjáning, kynvitund og kyneinkenni. Myndirnar henta vel sem verkfæri til að kenna börnum um muninn á kynvitund, kyntjáningu og hverjum fólk laðast að.

Sjá meira um kynjakökuna Sjá meira um kynhyrninginn

Gott að hafa í huga

Mælt er með því að bjóða upp á fjölbreyttar kennsluaðferðir. 

  • Hópavinna/kynningar
  • Nota post it miða til dæmis í hugmyndavinnu.
  • Glærukynningar
  • Myndbönd / sýna myndbönd / leyfa nemendum að
    útbúa myndbönd
  • Teikningar - láta nemendur teikna, sauma út, smíða eða
    leira líkama. Leggja áherslu á að útlit líkama er mjög fjölbreytt.
  • Hafa hugmyndakassa / spurningakassa
  • Fara í leiki
  • Vinna með klípusögur
  • Búa til leikrit, semja lag, taka viðtöl t.d. við foreldra eða ömmu og afa t.d. um ást eða ástarsorg