Dýrahald

Reykjavíkurborg heldur úti öflugri þjónustu við gæludýr. Íbúum er leyfilegt að halda hænur og meindýravarnir eru snar þáttur í starfsemi borgarinnar. Sérstakar reglur gilda um búfjárhald.

Hvað gerir Dýraþjónusta Reykjavíkur (DÝR)?

Dýraþjónusta Reykjavíkur (DÝR) heldur utan um málefni gæludýra og annarra dýra sem lent hafa í hremmingum í borginni. DÝR annast umsýslu vegna skráningar dýra, fræðslu og upplýsingagjöf, föngun og vistun dýra í vanskilum og samskipti við aðrar stofnanir, dýraeigendur og hagsmunasamtök þeirra.

Vörsluskylda er á öllu búfé og er búfjárhald að öllu leyti á ábyrgð umráðamanns. Hlutverk meindýravarna er að halda meindýrum í lágmarki með eyðingu þeirra, upplýsingagjöf og fyrirbyggjandi starfsemi.

DÝR hefur enn fremur eftirlit með þeim samþykktum sem gilda um dýrahald hverju sinni. Sérstakar verklagsreglur eru í gildi milli Dýraþjónustunnar og Heilbrigðiseftirlits Reykjavíkur.