Hænsnahald
Samkvæmt samþykkt um hænsnahald í Reykjavík, utan skipulagðra landbúnaðarsvæða nr. 815/2014 má halda hænur en sækja þarf um leyfi heilbrigðisnefndar til hænsnahalds í Reykjavík sbr. 2. gr. samþykktar nr. 426/2003 um takmörkun búfjárhalds og bann við lausagöngu búfjár í Reykjavík.
Til þess að sækja um sendir þú póst á dyr@reykjavik.is ásamt fylgigögnum sem þú getur fundið hér fyrir neðan.
Samþykki nágranna
Með umsókn skal fylgja skriflegt samþykki nágranna sem eiga aðliggjandi lóðir. Ef um fjöleignarhús er að ræða skal að auki liggja fyrir samþykki sameigenda, sbr. lög nr. 26/1994 um fjöleignarhús. Sé umsækjandi leigjandi skal fylgja samþykki leigusala.
Staðsetning hænsnakofa
Með umsókn skal fylgja afstöðumynd sem sýnir staðsetningu hænsnakofa og gerðis á lóð.
Leyfi
Leyfi eru gefin út til 4 ára í senn.
Heilbrigðiseftirlit Reykjavíkur hefur útbúið leiðbeiningar um förgun úrgangs og annað sem tengist hænsnahaldi í Reykjavík.
Fyrirspurnir og ábendingar
Vinsamlega hafðu samband við Heilbrigðiseftirlit Reykjavíkur, hafirðu ábendingu eða fyrirspurn eða hringja í þjónustuver Reykjavíkurborgar síma 411 1111.