Afgreiðsla umsókna til byggingarfulltrúa

Afgreiðsluferli byggingarfulltrúa

Hvað gerist eftir að sótt er um byggingarleyfi?

• Þegar öll viðeigandi gögn og upplýsingar hafa borist er umsóknin yfirfarin og óskað eftir umsögnum Heilbrigðiseftirlits og slökkviliðs.
• Málið er tekið fyrir á afgreiðslufundi og niðurstaða birtist í umsóknarviðmót byggingarleyfa varðandi byggingarleyfisumsóknir, en varðandi aðrar umsóknir berast svarbréf í stafrænt pósthólf.
• Lágmarksgjald er lagt á vegna yfirferðar umsókna samkvæmt gjaldskrá byggingarfulltrúa.

Máli frestað

Málum er frestað ef:

• Bíða þarf umsagnar skipulagsfulltrúa
• Byggingarfulltrúi, Heilbrigðiseftirlit eða slökkvilið gera athugasemd við umsóknina.

Þegar uppfærð gögn hafa borist og brugðist hefur verið við athugasemdum er málið aftur tekið fyrir.

Mál samþykkt

Ef engar athugasemdir eru gerðar við umsóknina er málið samþykkt. Umsækjandi og hönnuður fá sendar niðurstöður ásamt gátlista byggjenda eins fljótt og auðið er. Athugið að þó að mál sé samþykkt á fundi má ekki hefja framkvæmdir strax. Til þess þarf útgefið byggingarleyfi.

• Útgáfa byggingarleyfa

Skil á séruppdráttum

Alla rafræna séruppdrætti á að senda inn til samþykktar hjá byggingarfulltrúa í gegnum umsóknarviðmót byggingarleyfa með undirskrift (vatnsmerki) bæði sérhönnuðar og hönnunarstjóra. Senda skal inn sérteikningar í einu PDF skjali eftir því sem við á og má hvert PDF skjal vera allt að 20 Mb. að stærð.

• Meira um teikningavefinn

Undirritun

• Aðaluppdrættir þurfa ekki að berast byggingarfulltrúa með undirritun aðalhönnuða þar sem þeir eru innsiglaðir með rafrænum hætti í gegnum rafræna undirritunarkerfið Dokobit.
• Aðaluppdrættir fara í rafræna innsiglun eftir samþykki á afgreiðslufundi byggingarfulltrúa.
• Hönnunarstjóri má búast við tölvupósti frá Dokobit með beiðni til að undirrita allt að 3 vikum eftir samþykki á afgreiðslufundi.

Rafræn skilríki

• Hönnunarstjóri þarf að undirrita með rafrænum skilríkjum. Mikilvægt er að skoða vel hvað er verið að undirrita.
• Athugið að það er nauðsynlegt að vera með rafræn skilríki fyrir þessar skráningar.
• Þú getur sótt um rafræn skilríki hjá bönkum, símafyrirtækjum eða Auðkenni í Borgartúni 31.