Gestadvöl - Bókmenntaborgin

Valmynd

 

Hringrás – Skiptidvöl Bókmenntaborga UNESCO

Reykjavík bókmenntaborg UNESCO tekur þátt í „Hringrás - Skiptidvöl Bókmenntborga UNESCO“ (Circular Residency Project), sem tengir saman bókmenntaborgir UNESCO, þar á meðal Barcelona, Kraków, Bucheon, Jakarta og Norwich.

Bókmenntaborgin auglýsir eftir umsóknum frá reykvískum höfundum um mánaðar dvöl í Québec City. Valinn höfundur fær 400.000 kr. í ferða- og uppihaldsstyrk og dvelur í Québec-borg frá 1.–30. september 2026, þar sem hann fær tækifæri til að vinna í nýju menningarlegu og bókmenntalegu umhverfi. 

Dvalið er í Maison de la littérature, sem staðsett er í sögulegum miðbæ Québec-borgar, sem er á heimsminjaskrá UNESCO. Þar eru til staðar almenningsbókasafn, skrifstofur fyrir höfunda, myndasögustúdíó, skapandi vinnurými og leikhús sem býður upp á fjölbreytta dagskrá bókmenntaviðburða.

Québec-borg hlaut titilinn Bókmenntaborg UNESCO árið 2017 og var fyrsta frönskumælandi borgin til að hljóta þann titil. Borgin státar af öflugu og fjölbreyttu bókmenntasamfélagi, með fjölda útgefenda, sjálfstæðra bókabúða, menningarstofnana.

Auk þess að vinna að eigin verkum, skal valinn höfundur skrifa texta (skáldskap eða fræðitexta, 500–2.500 orð) sem endurspeglar upplifun hans af Québec-borg. Textinn verður notaður í kynningarskyni og sem leiðarvísir fyrir framtíðarþátttakendur í verkefninu.

Hvað er í boði?

  • Gistingu allan dvalartímann (1.–30. september 2026)
  • 400.000 kr, ferða- og uppihaldsstyrk
  • Aðgang að vinnuaðstöðu í Maison de la littérature
  • Tækifæri til að tengjast bókmenntasamfélagi borgarinnar

Umsækjendur skulu:

  • Vera rithöfundar með búsettir í Reykjavík
  • Hafa gefið út að minnsta kosti eitt verk (óháð tegund)
  • Geta unnið sjálfstætt á meðan dvöl stendur
  • Hafa áhuga á að taka þátt í bókmenntalífi gestaborgarinnar

Umsóknarfrestur er til og með 30. apríl 2026.

Smelltu hér til að sækja um.

Upplýsingar

Frekari upplýsingar veitir Reykjavík bókmenntaborg UNESCO, gestadvol@bokmenntaborgin.is.