Landupplýsingar hafa umsjón með öllum gagnagrunnum sem innihalda landtengdar upplýsingar og leggja aðaláherslu á að hafa réttar og lifandi upplýsingar, byggðar á traustum grunni. Öflun, viðhald, úrvinnsla og afgreiðsla landupplýsinga eru aðalverkefnin, en deildin ber einnig ábyrgð á stjórn og rekstri LUKR, landmælingum og útgáfu mæliblaða og lóðauppdrátta.

Landupplýsingum er skipt í tvær deildir (mælingar og LUKR), en Landupplýsingakerfi Reykjavíkur (LUKR) er samstarfsverkefni umhverfis- og skipulagssviðs, Orkuveitu Reykjavíkur og Mílu ehf.

Deildarstjóri er Lech Pajdak, netfang: lech.robert.pajdak@reykjavik.is.

Helstu verkefni landupplýsinga eru:

  •     gerð og viðhald mæliblaða og lóðauppdrátta;
  •     landmælingar;
  •     viðhald hnita- og hæðakerfis;
  •     umsjón með staðgreini;
  •     hnitsetning eldri lóða;
  •     stjórn og rekstur LUKR;
  •     uppbygging og viðhald gagnagrunna og tengitaflna LUKR;
  •     umsjón með Borgarvefsjá og Skipulagssjá;
  •     öflun loftmynda;
  •     kortagerð;
  •     skráning, úrvinnsla og afgreiðsla landupplýsinga;
  •     uppfærsla á tölum svæðisskipulags.

 

Þarfnast þessi síða lagfæringar?

9 + 1 =