Strandblak í Reykjavík
Glæsilegir strandblakvellir eru við Árbæjarlaug, Laugardalslaug og við Gufunesbæ sem gestir geta nýtt sér. Aðgangur að völlum í sundlaugum greiðist í afgreiðslu eins og um hefðbundna sundferð sé að ræða.
Til að nýta sér vellina þarf að bóka tíma á síðu hvers vallar sem skoða má hér fyrir neðan.
Strandblakvellir
Strandblak við Árbæjarlaug
Glæsilegir strandblakvellir eru við Árbæjarlaug sem gestir geta nýtt sér. Aðgangur að velli greiðist í afgreiðslu eins og um hefðbundna sundferð sé að ræða.
Sjá meira
Strandblak við Laugardalslaug
Glæsilegir strandblakvellir eru við Laugardalslaug sem gestir geta nýtt sér. Aðgangur að velli greiðist í afgreiðslu eins og um hefðbundna sundferð sé að ræða
Sjá meira
Strandblak við Gufunesbæ
Við Gufunesbæ eru þrír samliggjandi strandblaksvellir, fullbúnir með hvítum skeljasandi. Öllum er frjáls aðgangur að þeim, sér að kostnaðarlausu. Hægt er að taka frá eða panta velli fyrir hópa.
Sjá meira
Nokkrar reglur gilda um vellina
Reglur í Árbæjarlaug og Laugardalslaug
Við Árbæjarlaug eru tveir strandblaksvellir. Við Laugardalslaug eru tveir strandblaksvellir.
- Aðgangur að velli greiðist í afgreiðslu eins og um hefðbundna sundferð sé að ræða.
- Mest má bóka 2 klst. í einu.
- Nauðsynlegt er að afbóka völl verði hann ekki notaður.
- Ekki er leyfilegt að ganga á skóm yfir laugarsvæði. Fáið bláar plasthlífar í afgreiðslu til að setja yfir skó ef þarf.
- Blakarar koma sjálfir með bolta.
- Að loknum leik skal laga völlinn til með sköfum sem eru staðsettar við vellina.
- Til að lágmarka sand í sturtum og búningsklefum að leik loknum skulu notendur skola af fótum í vatnshana sem staðsettur er á laugarbakka.
Reglur í Gufunesi
Við Gufunesbæ eru þrír samliggjandi strandblaksvellir.
- Hægt að panta einn strandblakvöll. Ef þú þarft fleiri en einn völl, þá þarftu að panta aftur.
- Athugaðu að ef þú pantar strandblakvöll og hættir við þá vinsamlega láttu okkur vita svo við getum eytt pöntuninni og haft völlinn aðgengilegan fyrir aðra.
- Hægt er að fá lánaða blakbolta á meðan starfsemi er á svæðinu.