Aðgerðaáætlun Reykjavíkurborgar í jafnréttis- og mannréttindamálum 2023-2026

Teikning af fólki og hundi úti í náttúrunni.

Aðgerðaáætlunin var samþykkt á fundi borgarstjórnar þann 20. júní 2023. Áætlunin er byggð á lögum um jafna stöðu og jafnan rétt kynjanna, 13. grein laga um stjórnsýslu jafnréttismála og mannréttindastefnu Reykjavíkurborgar. Áætlunin tekur við af aðgerðaáætlun í mannréttinda- og lýðræðismálum 2019-2022.

Skoða aðgerðaáætlun í jafnréttis- og mannréttindamálum 2023-2026

Aðgerðaáætlun í jafnréttis- og mannréttindamálum

Í áætluninni eru sett fram markmið og aðgerðir til að koma í veg fyrir mismunun og stuðla að jafnrétti og mannréttindum á fjórum meginsviðum sem endurspegla margþætt hlutverk borgarinnar; sem stjórnvalds, sem atvinnurekanda, sem veitanda þjónustu og sem samstarfsaðila.

Reykjavík sem stjórnvald

Reykjavíkurborg hefur sett sér það markmið að vera í fararbroddi þegar kemur að jafnræði, mannréttindum og samvinnu við íbúa. Ákvarðanir sem teknar eru á vegum borgarinnar eiga að vera gagnsæjar og hafa hagsmuni borgarbúa að leiðarljósi.

Skoða markmið og aðgerðir fyrir Reykjavík sem stjórnvald
Teikning af álft í tjörninni fyrir framan Ráðhús Reykjavíkur.

Reykjavík sem atvinnurekandi

Markvisst er unnið að jafnrétti í mannauðsmálum líkt og jafnréttislög kveða á um. Með skipulögðu jafnréttisstarfi er unnið að því að öll njóti jafnréttis í hvívetna á starfsstöðvum borgarinnar.

Skoða markmið og aðgerðir fyrir Reykjavík sem atvinnurekanda
Teikning af starfsumsóknum.

Reykjavík sem veitandi þjónustu

Allar stofnanir borgarinnar vinna markvisst og skipulega að því að móta og byggja upp þjónustu, menningarstarf, fræðslu og upplýsingamiðlun í þágu jafnréttis og fjölbreytts samfélags. Öll eiga að hafa jafnt aðgengi að þjónustu og þjónustan tekur mið af ólíkum þörfum fólks. Jákvæð samskipti og gagnkvæm virðing á að endurspeglast í allri þjónustu borgarinnar.

Skoða markmið og aðgerðir fyrir Reykjavík sem veitanda þjónustu
Teikning af eldra fólki í sundleikfimi.

Reykjavík sem samstarfsaðili og verkkaupi

Lögð er áhersla á samvinnu við aðra opinbera aðila, háskólasamfélagið, einkaaðila og samtök sem vinna á sviði jafnréttis- og mannréttindamála. Einnig er lögð áhersla á að allir aðilar sem borgin á í viðskiptum við virði mannréttindi.

Skoða markmið og aðgerðir fyrir Reykjavík sem samstarfsaðila og verkkaupa
Teikning af handabandi tveggja einstaklinga.

Hafðu samband

Ef þú vilt frekari upplýsingar um aðgerðaáætlun Reykjavíkurborgar í jafnréttis- og mannréttindamálum getur þú haft samband við Mannréttinda- og lýðræðisskrifstofu borgarinnar sem heldur utan um framgang áætlunarinnar á gildistímanum.