Tónleikar á menningarnótt

Menningarnótt

Menningarnótt, stærsta afmælis- og borgarhátíð Reykjavíkur verður haldin laugardaginn 22. ágúst 2026. Segja má að hátíðin sé hápunktur sumarsins og skemmtilegir viðburðir lita mannlífið í miðborginni frá morgni til kvölds. Hátíðin er fyrir alla borgarbúa og gesti sem vilja taka þátt og skemmta sér. Hefð er orðin hjá mörgum fjölskyldum og vinahópum að mæla sér mót á Menningarnótt og eiga skemmtilegan dag saman.

Viltu vera með?
Viltu koma þínum viðburði á framfæri?
Allir geta skráð viðburði í viðburðardagatal borgarinnar. Þú stofnar notanda, skráir þig inn og setur inn þinn viðburð og hann birtist í viðburðardagatalinu okkar og einnig á visir.is og í Gjugg appinu.
Verðlaun, styrkir og viðurkenningar
Reykjavíkurborg veitir árlega fjölda styrkja til ýmissa menningarmála og þrenn bókmenntaverðlaun ásamt því að tilnefna borgarlistamann ár hvert.
Ljósverk á Hallgrímskirkju

Vetrarhátíð

Vetrarhátíð verður haldin dagana 4.–7. febrúar 2027 og fer hátíðin fram í öllum sex sveitarfélögum höfuðborgarsvæðisins. Þessi hátíð ljóss og myrkurs samstendur af Safnanótt, Sundlauganótt og ljósaslóð ásamt yfir 150 viðburðum þar sem fjöldi listamanna tekur þátt í að skapa einstaka stemningu í borginni.

Frá Barnamenningarhátíð í Hörpu

Barnamenningarhátíð

Barnamenningarhátíð í Reykjavík fer fram dagana 20.-26. apríl næstkomandi og er vettvangur hátíðarinnar borgin öll. Fjölbreyttir viðburðir fara fram í grunnskólum, leikskólum, frístundamiðstöðvum, menningarstofnunum, listaskólum og víðar. Barnamenningarhátíðin rúmar allar listgreinar fyrir börn og fjölskyldur þeirra. 

Skátar á 17. júní

17. júní

Á þjóðhátíðardaginn 17. júní verður boðið upp á fjölbreytta dagskrá. Skrúðganga verður frá Hallgrímskirkju, tónleikar, götuleikhús, dansveisla, sirkus, leiktæki, matarvagnar og fornbílasýningar í Hljómskálagarði og á Klambratúni svo fátt eitt sé nefnt.  

Tónleikar í Listasafni Reykjavíkur

Iceland Airwaves

Iceland Airwaves-tónlistarhátíðin er stærsta tónlistarhátíð sem fram fer á Íslandi á hverju ári. Þessi þriggja daga tónlistarveisla er einn af hápunktum ársins í Reykjavík enda iðar borgin af lífi á meðan á hátíð stendur.

Úr gleðigöngunni

Hinsegin dagar

Hinsegin dagar fara fram 4.–9. ágúst í ár en hátíðin er mögulega litríkasta hátíð ársins. Gleðigangan er stærsti viðburður hvers árs en fjölmargt annað er í boði.

Skólavörðustígur

Jólaborgin

Á aðventunni fyllist borgin af jólastemingu og jólaljósum. Jólakötturinn mætir á Lækjartorg, jólaljósin tendruð á Olsóartréðnu fyrsta sunnudag í aðventu, jólaljós prýða Austurvöll, jólamarkaður og jólasöngur.

Frá setningu Listahátíðar 2024. Fólk dansar í Hafnarhúsi og margmenni fylgist með.

Listahátíð í Reykjavík

Listahátíð í Reykjavík er þverfagleg listahátíð með áherslu á nýsköpun. Hún fer fram í hefðbundnum og óhefðbundnum rýmum um alla borg og teygir sig jafnframt út fyrir borgarmörkin. Hátíðin er tvíæringur og verður haldin næst í júní 2028

""

Iceland Noir - Reykjavík

Iceland Noir - Reykjavík er alþjóðleg bókmenntahátíð með áherslu á glæpasagnalist og nýsköpun í sagnalist. Hátíðin ger fram 11.-14. nóvember 2026.

Dansandi kona.

Reykjavík Dance Festival

Hátíðin er mikilvægur vettvangur fyrir íslenska danslist sem leggur áherslu á inngildingu og samfélagslega ábyrgð.  Hátíðin fer fram dagana 10.-15. nóvember 2026.

""

Myrkir músíkdagar

Myrkir músíkdagar er framsækin tónlistarhátíð sem styrkir stöðu íslenskra tónskálda og eykur fjölbreytni í menningardagatali borgarinnar. Hátíðin fer fram 28.-31. janúar 2027.

Hönnunar mars

HönnunarMars

Hátíðin hefur sett Reykjavík á heimskortið sem skapandi og framsækna borg, þar sem fjölbreyttar greinar hönnunar og arkitektúrs sameinast í öflugri og faglegri hátíð sem nærir bæði atvinnulíf og samfélag.  Hátíðin fer fram um vorið 2026.