Hjálmar Sveinsson

Borgarfulltrúi
Samfylkingin
Fjárhagslegir hagsmunir
Fulltrúi
Umhverfis- og skipulagsráð Innkaupa- og framkvæmdaráð Heilbrigðisnefnd
Hjálmar Sveinsson

Um Hjálmar

Ég er fæddur tíunda desember 1958 og ólst upp í Hafnarfirði og á bænum Hlíð í Gnúpverjahreppi. Ég kynntist fjölbreyttum störfum í sveit, byggingariðnaði og í umönnunarstörfum og ég starfaði síðar meir  í mörg sumur sem leiðsögumaður á hálendi Íslands. Árin 1986 til 1997 bjó ég í Berlín. Þar sá ég Berlínarmúrinn falla og veit síðan þá að ekkert er ómögulegt. Römmustu virki óréttlætis geta fallið á svipstundu.
 

Ég er með BA frá Háskóla Íslands og magistergráðu í heimspeki, bókmenntum og þýskum fræðum frá Freie Universität í Berlin. Ég starfað lengi við fjölmiðla, þar af 12 ár sem dagskrárgerðarmaður við Ríkisútvarpið. Þar var ég umsjónarmaður þáttarins Krossgötur og einn af umsjónarmönnum Spegilsins. Ég hef skrifað og gefið út nokkrar bækur. Stofnaði árið 2000 fræðibókaritröðina ATVIK, ásamt vinum mínum Geir Svanssyni og Irmu Erlingsdóttur, og bókaútgáfuna OMDÚRMAN árið 2007.

Ég er útivistarmaður og stunda langhlaup. Ég elska að hjóla um Reykjavík og allar borgir sem ég kem til.

Ég er giftur Ósk Vilhjálmsdóttur. Börnin okkar heita Borghildur, Hulda Ragnhildur og Vilhjálmur Yngvi.

Síðan vorið 2010 hef ég starfað í borgarstjórn.

Menntun

 BA-próf í heimspeki og bókmenntafræði frá Háskóla Íslands

 MA-próf í heimspeki, þýskum fræðum og bókmenntum frá Freie Universität Berlin

Viðtalstími

Viðtalsbeiðnir vegna skipulagsmála má senda á netfangið marta.grettisdottir@reykjavik.is.