Félagslegt leiguhúsnæði

Ýmsar ástæður geta verið fyrir því að fólk hefur ekki tök á að eignast eða leigja húsnæði á almennum markaði. Þar spila félagslegar aðstæður, tekjur og útgjöld gjarnan stórt hlutverk. Fólk í þessum aðstæðum getur sótt um félagslegt húsnæði sem það greiðir viðráðanlegt leiguverð fyrir.

Á ég rétt á húsnæði?

Til að eiga rétt á almennu félagslegu leiguhúsnæði hjá Reykjavíkurborg þarft þú að uppfylla nokkur skilyrði. Þau snúast um aldur og lögheimili, eignarhald á húsnæði, tekjur og lágmark stiga samkvæmt ákveðnum matsviðmiðum.

Hvar sæki ég um húsnæði?

Þú sækir um almennt félagslegt leiguhúsnæði á rafrænan hátt á Mínum síðum.

Einnig er hægt að fylla út umsókn á PDF-formi og senda á VELumsokn@reykjavik.is eða skila á þjónustumiðstöð í þínu hverfi.

Hvað gerist næst?

Eftir að umsókn berst er þér boðið í viðtal til ráðgjafa sem leggur formlegt mat á hvort öll skilyrði séu uppfyllt. Matið er unnið í náinni samvinnu við þig og tekur meðal annars mið af núverandi húsnæðisstöðu, tekjum, heilsufari og félagslegum aðstæðum. Umsókn er í kjölfarið samþykkt eða synjað.

  

Sérstakur húsnæðisstuðningur

Sérstakur húsnæðisstuðningur er fjárhagsleg aðstoð við fjölskyldur og einstaklinga á leigumarkaði sem þurfa sérstakan stuðning vegna greiðslu á húsaleigu umfram hefðbundnar húsnæðisbætur.  

Hvar fæ ég frekari upplýsingar?

Almennt félagslegt leiguhúsnæði er veitt á grundvelli eftirfarandi laga og reglna: