Virkni og endurhæfing

Fólk sem þarf á endurhæfingu eða stuðningi að halda við að komast í vinnu eða virkni getur fengið fjölbreytta ráðgjöf, fræðslu og úrræði sem miðast að þörfum hvers og eins. Virk þátttaka í samfélaginu hjálpar fólki við að efla félagslega færni, styrkja sjálfsmynd og auka lífsgæði.

Endurhæfing í Virknihúsi

Í Virknihúsi getur fólk nálgast margþættar leiðir í endurhæfingu fyrir þátttöku á vinnumarkaði eða í átt til aukinnar virkni og þátttöku. Markmiðið er alltaf að bæta lífsgæði fólks og auka tækifæri þess í lífinu með áherslu á sjálfsstyrkingu, nám og bata. 

Par að dansa

Atvinna og virkni fyrir fatlað fólk

Margt fatlað fólk býr yfir dýrmætri reynslu og þekkingu sem getur nýst í ýmsum störfum, en þarf stundum aðstoð eða vinnuaðstöðu, aðgengi, vinnutíma og verkefni sem koma til móts við þarfir þess, almennt kallað viðeigandi aðlögun.

""

Endurhæfing í heimahúsi

Með endurhæfingu í heimahúsi fær fólk þjálfun og ráðgjöf sem hentar þörfum þeirra. Endurhæfingin fer að miklu leyti fram heima hjá notendum eða í nærumhverfi þeirra. Hún er fyrir fólk sem hefur sótt um félagslega heimaþjónustu eða heimahjúkrun og er metið á þann veg að endurhæfing sé líkleg til árangurs. 

""

Náms og starfsráðgjöf

Námsflokkar Reykjavíkur bjóða Reykvíkingum eldri en 16 ára ný námstækifæri og ókeypis náms- og starfsráðgjöf. Lögð er áhersla á að finna nám við hæfi hvers og eins og efla sjálfsstyrk og lífsgæði. 

""