Viðburðir og borgarhátíðir
Reykjavíkurborg stendur fyrir fjölda viðburða og hátíða allt árið um kring. Einnig hefur borgin komið að og styrkt ýmis hátíðarhöld í gegnum árin meðal annars í gegnum borgarhátíðarsjóð. Hápunktur viðburðahalds í Reykjavík er vafalaust Menningarnótt í ágúst en það er miðborgarhátíð í orðsins fyllstu merkingu sem höfðar til breiðs hóps fólks.
Vetur
Dularfullt myrkur, frost og fannhvítar snjóbreiður. Vetrarborgin Reykjavík er svo sannarlega töfrandi staður. Þá er mikilvægt að gera sér glaðan dag og lýsa upp dimmasta skammdegið með fjölbreyttum viðburðum og hátíðum.
Vor
Þegar dagana fer að lengja og grösin að spretta, iðar menningarlífið í borginni. Þá er tilvalið að kíkja út og gera eitthvað skemmtilegt, en fjölbreyttar hátíðir á borð við Barnamenningarhátíð og HönnunarMars sjá til þess að þú og þínir hafið nóg að gera.
Sumar
Á sumrin er tilvalið að skella sér í lauflétta borgarferð í Reykjavík. Þá iðar sumarborgin af lífi og býður upp á fjölda viðburða og uppákoma í öllum hverfum. Þungmiðju mannlífsins er að finna í miðborginni með öllum sínum verslunum, veitingastöðum og listasöfnum. Listasumrinu líkur á afmælishátíð borgarinnar, Menningarnótt í lok ágúst.
Haust
Á meðan dagarnir styttast og laufin falla er tilvalið að grípa tækifærið og láta koma sér á óvart með nýjungum úr heimi tónlistar og kvikmynda. Lífið í leikhúsunum kviknar á haustin og niðurtalning í jólabókaflóðið hefst.
Borgarhátíðir
Reykjavíkurborg styður við menningarhátíðir í borginni með samstarfssamning til þriggja ára. Menningar-, íþrótta- og tómstundaráð Reykjavíkurborgar auglýsir eftir umsóknum.
Þær hátíðir sem verða borgarhátíðir fá fjárframlag og þriggja ára samstarfssamning við borgina.
Markmið samstarfsins er að styðja samfellu, framþróun og rekstrarlegan grundvöll hátíða í Reykjavík. Stuðla að alþjóðlegum tengslum, jákvæðum áhrifum á ferðamennsku og ímynd Reykjavíkur.
